"De profundis", de Miguelanxo Prado (España-Portugal, 2006, 81 minutos, V. O. en galego), para todos os públicos, na Sala Marilyn Monroe, dentro do ciclo Cine e natureza. A viaxe ao fondo do mar dun pintor que sempre quixo ser mariñeiro para navegar entre as medusas, as estrelas de mar e os peixes de mil cores. Unha viaxe para descubrir a emocionante beleza e os misterios das profundidades. Proxeccións: xoves 24 ás 20:15; venres 25 ás 20:15 e 22:45; sábado 26 de novembro ás 17:15 e 20:15. Entradas: 3 euros (carné xove, maiores de 65 anos e desempregados/as, 2 euros). As sesións do venres ás 22:45 e a do sábado ás 17:15, 1,50 euros.

"Mr. Nobody", de Jaco van Dormael (Francia, 2010, 142 minutos, V. O. S. en castelán), N. R. M. de 7 anos, dentro do ciclo Terror e ciencia-ficción, na Sala Fernando Rey. Nemo Nobody, un home de 118 anos no ano 2092, é o último mortal nun mundo de persoas inmortais grazas aos avances científicos. No seu leito de morte, revive todas as vidas polas que puido pasar. Proxeccións: xoves 24 ás 20:30; venres 25 ás 20:30; e sábado 26 ás 20:30 h. Entradas: 3 euros (carné xove, maiores de 65 anos e desempregados/as, 2 euros). Debido á súa longa duración só se emitirá ás 20:30 horas os tres días.

Sábado 19
Fórum Metropolitano
19:00
Entradas: 5 euros (abono familiar de 3 entradas por 12 euros).

Dentro do ciclo "Todo Público", representación de "El refugio", pola Compañía La Rous (Granada). Eva é unha nena en metade dunha guerra. Mira o mundo a través do buraco do refuxio no que se esconde e espera. Espera e pregúntase: De que serve unha nena nunha guerra? Unha historia ao mesmo tempo tenra, doce e dolorosa. Con Rosa Díaz, baixo a dirección de Llanos Campos e Rosa Díaz. Para nenas e nenos maiores de 6 anos.

"La marche de l'empereur (A viaxe do emperador)", de Luc Jacquet (Francia, 2005, 86 minutos, V. O. S. en castelán), para todos os públicos, na Sala Marilyn Monroe, dentro do ciclo Cine e natureza. No océano, o pingüín emperador parécese máis a un golfiño que a unha ave, mais unha vez en pé, este ave de andar torpe está sempre a mercé do menor obstáculo. Proxeccións: xoves 17 ás 20:15; venres 18 ás 20:15 e 22:45; sábado 19 ás 17:15 e 20:15. Entradas: 3 euros (carné xove, maiores de 65 anos e desempregados/as, 2 euros). As sesións do venres ás 22:45 e a do sábado ás 17:15, 1,50 euros.

"Let me in (Déixame entrar)", de Matt Reeves (Estados Unidos, 2010, 117 minutos, V. O. S. en castelán), N. R. M. de 16 anos, dentro do ciclo Terror e ciencia-ficción, na Sala Fernando Rey. Owen é un neno de doce anos cuxos pais están divorciándose. Pouco comunicativo, non ten amigos e sofre acoso escolar. Casualmente coñece a Abby, unha moza que se mudou ao mesmo bloque de apartamentos no que el vive. Proxeccións: xoves 17 ás 20:30; venres 18 ás 20:30 e 23:00; e sábado 19 ás 17:30 e 20:30 h. Entradas: 3 euros (carné xove, maiores de 65 anos e desempregados/as, 2 euros). As sesións do venres ás 23:00 e sábado ás 17:30 h., 1,50 euros.

Estas son as obras programadas para o ciclo Todo Público 2011-2012. Artes escénicas para todas as idades, que serán representadas no Fórum Metropolitano nas seguintes datas:

- Sábado 19 de novembro. 19:00 horas. "El refugio", pola Compañía La Rous (Granada). Con Rosa Díaz. Dirección: Llanos Campos e Rosa Díaz. Duración: 55 minutos. Idade: maiores de 5 anos.

- Sábado 26 de novembro. 19:00 horas. "Caperucita Roja", pola Compañía La Baracca (Italia). Con: Carlota Zini, Bruno Cappagli e Fabio Galanti. Dirección: Fabio Galanti. Duración: 50 minutos. Idade: maiores de 4 anos.

- Sábado 3 de decembro. 17:00 e 19:00 h. "Vice-versa", pola Compañía Vítor Hugo Pontes (Portugal). Con: Oana Faria e Mafalda Faria. Dirección e coreografía: Vítor Hugo Pontes. Duración: 40 minutos. Idade: maiores de 3 anos.

- Sábado 28 de xaneiro. 19:00 h. "Area e auga", pola Compañía Teatro del Andamio (Galicia). Con: Carmen Blanco, Gema Ulloa, Nacho Martín e Álvaro Guevara. Duración: 55 minutos. Idade: maiores de 5 anos.

- Sábado 4 de febreiro. 19:00 h. "La noche", pola Compañía Ultramarinos de Lucas (Castela - A Mancha). Con: María Hurtado e Luis Orna. Autor e dirección: Ultramarinos de Lucas. Duración: 60 minutos. Idade: maiores de 4 anos.

- Sábado 11 de febreiro. 19:00 h. "Trogloditas", pola Compañía Tanxarina (Galicia). Con: Miguel Borines, Eduardo Rodríguez e Andrés Giraldez. Dirección: Evaristo Calvo. Duración: 45 minutos. Idade: maiores de 5 anos.

- Sábado 24 de marzo. 19:00 h. "Nubes", pola Compañía Aracaladanza (Madrid). Con: Carolina Arija Gallardo, Jorge Brea Salgueiro, Natalí Camolez, Raquel de la Plaza Húmera, Ignacio Martín Prieto e Jimena Trueba Toca. Dirección: Enrique Cabrera. Idade: maiores de 5 anos.

Sábado 12
Fórum Metropolitano
19:00
Entradas: 5 euros (carné xove, maiores de 65 anos e desempregados, 3 euros).

Concerto de Pulpiño Viascón, no que mestura imaxes e sons en directo con instrumentos diferentes e dispares acompañados pola súa propia voz, a guitarra de Manu Knofler e os loops de DJ Jas.

"Die zwei pferde das Dschinghis Khan, Os dous cabalos de Genghis Khan", de Byambasuren Davaa (Alemaña, 2009, 82 minutos, V. O. S. en castelán), para todos os públicos, na Sala Marilyn Monroe, dentro do ciclo Cine e natureza. A historia de Mongolia, a Mongolia tradicional que desaparece, lentamente sen que a ninguén pareza importarlle. Só a esta cantante que, nesta mestura de ficción e documental, viaxa en busca dunha utopía disfrazada de canción, unha canción esquecida ou tan maltratada como ese vello violín que se resiste a interpretar nada co que non se identifique. Unha bela película sobre esa herdanza cultural que ninguén quere, ninguén valora. Proxeccións: xoves 10 ás 20:15; venres 11 ás 20:15 e 22:45; sábado 12 ás 17:15 e 20:15. Entradas: 3 euros (carné xove, maiores de 65 anos e desempregados/as, 2 euros). As sesións do venres ás 22:45 e a do sábado ás 17:15, 1,50 euros.

"Monsters", de Gareth Edwards (Reino Unido, 2010, 89 minutos, V. O. S. en castelán), N. R. M. de 7 anos, dentro do ciclo Terror e ciencia-ficción, na Sala Fernando Rey. Indie de baixísimo orzamento, diálogos improvisados e dúas ou tres cousas que dicir sobre as relacións interpersoais. Pero o certo é que a pertenza da película ao xénero de ciencia ficción é dubidosa: ata o título é o suficientemente ambiguo para que non saibamos quen son os monstros, se as criaturas alieníxenas que se reproduciron en parte do territorio mexicano ou os humanos, tan pendentes de traficar co medo dos demais. Proxeccións: xoves 10 ás 20:30; venres 11 ás 20:30 e 23:00; e sábado 12 ás 17:30 e 20:30 h. Entradas: 3 euros (carné xove, maiores de 65 anos e desempregados/as, 2 euros). As sesións do venres ás 23:00 e sábado ás 17:30 h., 1,50 euros.

Sábado 5
Fórum Metropolitano
19:00
Entradas: 5 euros (abono familiar de 3 entradas por 12 euros).

Dentro do ciclo "Todo Público", "El último puerto", de Dejabu Panpin Laborategia. Didi e Gogo son os únicos habitantes de "Azken Portua", o último porto. Fai moitísimo tempo que non viron chegar ningún barco desde o mar. Gogo nin se acorda daqueles tempos en que o porto era visitado por barcos de todo o mundo. Pero a curiosidade de Didi fará que mergullemos nas memorias do vello pescador. A compañía Dejabu aúna o traballo actoral co de obxectos, e con axuda da música creada en directo preséntanos un traballo cheo de aventura, soños e amizade. Con Ainara Gurrutxaga e Urko Redondo, coa música en directo de Ander Fernández.

"Hwall (O arco)", de Kim Ki-Duk (Corea, 2005, 91 minutos, V. O. S. en castelán), N. R. M. de 13 anos, na Sala Marilyn Monroe, dentro do ciclo Cine e natureza. A historia sucede nun barco que se balancea no medio do mar. Un home vello vive alí cunha rapaza nova. Espera que cumpra 18 anos para casar con ela. Homes da cidade veñen ao barco a pasar uns días pescando. Ese é o único fío co mundo. O vello ten un arco co que produce unha música sublime. Pero ese instrumento de pracer pode converterse noutra cousa: un vehículo para a adiviñación nun xogo perigoso coa moza e nunha arma terrible que evita os avances indesexados dos homes cara a ela. O arco no seu tres usos domina a historia, pero non conseguirá impedir que a curiosidade arrastre á moza cara ao descoñecido... Proxeccións: xoves 3 ás 20:15; venres 4 ás 20:15 e 22:45; sábado 5 de outubro ás 17:15 e 20:15. Entradas: 3 euros (carné xove, maiores de 65 anos e desempregados/as, 2 euros). As sesións do venres ás 22:45 e a do sábado ás 17:15, 1,50 euros.

"Satanás", de Andrés Baiz (Colombia, 2007, 97 minutos, V. O. en castelán), N. R. M. de 18 anos, dentro do ciclo Terror e ciencia-ficción, na Sala Fernando Rey. Inspirada en feitos reais e baseada na novela homónima de Mario Mendoza. Os feitos ocorreron a noite do 4 de decembro de 1986, cando un home matou a máis de 20 persoas nun restaurante de Bogotá. Mendoza e Andrés Baiz achéganse a esta sórdida historia non desde un punto de vista policial ou social, senón psicolóxico a través de tres personaxes paralelos: Eliseo, profesor de inglés, Ernesto, un sacerdote en crise e Paola, unha moza que tenta saír adiante. O tres integran un tríptico de soidades e frustracións. Proxeccións: xoves 3 ás 20:30; venres 4 ás 20:30 e 23:00; e sábado 5 ás 17:30 e 20:30 h. Entradas: 3 euros (carné xove, maiores de 65 anos e desempregados/as, 2 euros). As sesións do venres ás 23:00 e sábado ás 17:30 h., 1,50 euros.

Venres 28 e sábado 29
Fórum Metropolitano
20:30
Entradas: 7 euros (carné xove, maiores de 65 anos e desempregadas/os: 5 euros).

"Pisados" é unha obra escrita e interpretada por Gustavo Pernas. Botamán de Melide sopra follas no outono e aprende idiomas co paso dos peregrinos do Camiño de Santiago. Máis tarde descobre, entre as follas do chan, a linguaxe secreta dos pisados. Pode falar cos zapatos e vén revelarlle ao público o que calan as bocas e gardan os pés. Baixo a dirección de Ánxela G. Abalo.

"El último viaje del juez Feng", de Yang Yaning (China, 2006, 101 minutos, V. O. S. en castelán), apta para todos os públicos, na Sala Marilyn Monroe. O veterano xuíz Feng (Li Bastian) percorre as abruptas montañas do suroeste rural chinés presidindo un xulgado ambulante. Na súa tarefa de mediar entre os pequenos conflitos dos labregos acompáñao a súa secretaria e un mozo maxistrado (Lu Yulai) que se está preparando para substituílo. Proxeccións: xoves 27 ás 20:15; venres 28 ás 20:15 e 22:45; sábado 29 de outubro ás 17:15 e 20:15. Entradas: 3 euros (carné xove, maiores de 65 anos e desempregados/as, 2 euros). As sesións do venres ás 22:45 e a do sábado ás 17:15, 1,50 euros.

"4 meses, 3 semanas, 2 días", de Cristian Mungiu (Romanía, 2007, 113 minutos, V. O. S. en castelán), N. R. M. de 12 anos, dentro do ciclo Encrucilladas, na Sala Fernando Rey. Conta a odisea de Gabita, unha estudante embarazada que busca quen lle practique un aborto. A súa amiga Otilia apóiaa en todo o proceso, que as levará ata unha habitación de hotel barato e poñerá a Gabita en mans de Mr. Bebe (Vlad Ivanov), un home sen escrúpulos que non dubida en aproveitarse do seu oficio. Proxeccións: xoves 27 ás 20:30; venres 28 ás 20:30 e 23:00; e sábado 29 ás 17:30 e 20:30 h. Entradas: 3 euros (carné xove, maiores de 65 anos e desempregados/as, 2 euros). As sesións do venres ás 23:00 e sábado ás 17:30 h., 1,50 euros.

Mércores 26
Fórum Metropolitano
20:30
Entradas: 7 euros (5 euros con carné xove, maiores de 65 anos ou desempregados).

Dentro do 6º Festival Galego de Cabaré, Obras Públicas (Galicia) representa "Life is a paripé". Cun pouco de humor e autoconsciencia, todos poderemos sentirnos identificados cos personaxes que desfilarán sobre as táboas. Con Goldi, Mos e Iolanda Muíños, baixo a dirección de José Prieto.

Martes 25
Fórum Metropolitano
20:30
Entradas: 7 euros (5 euros con carné xove, maiores de 65 anos ou desempregados).

Dentro do 6º Festival Galego de Cabaré, representación de "Le Frigo", pola Compañía Mundo Villalustre (Galicia), baixo a dirección de Zé Paredes. O universo prodixioso de L., un home que é muller e que no día do seu cincuenta aniversario recibe un estraño regalo: un frigorífico. "Le Frigo", retrato dun templo saturado de imaxes e soidade, é unha das máis fascinantes propostas de interpretación do teatro contemporáneo.

O sábado 22 prosegue o 6º Festival Galego de Cabaré, con estas dúas actividades:

- 19:00 h. Rúa Real: Espectáculo de rúa: "Peter Punk e o neno imperdible". Con Peter Punk (Galicia). Espectáculo gratuíto.

- 20:30 h. Fórum Metropolitano: Estival. Coralie Yap-Chine Quartet (Galicia). Entrada 7 euros (5 euros con carné xove, maiores de 65 anos ou desempregados). Espectáculo con estándares de jazz, improvisación con acentos francés, cubano, suízo e galego é o que porá en escea a vocalista francesa Coralie Yap-Chine, xunto a Pablo Seoane (piano), José Manuel Díaz Iglesias (contrabaixo) e Álvaro Trillo (batería).

E o domingo 23:

- 19:00 h. Rúa Real: Espectáculo de rúa: "Cabaret Capicúa". Compañía Capicúa (Cataluña). Espectáculo gratuíto.

"Poesía", de Lee Chang-Dong (Corea do sur, 2010, 140 minutos, V. O. S. en castelán), N. R. M. de 7 anos, na Sala Marilyn Monroe. Nunha pequena cidade da provincia do Gyeonggi, dividida polo río Han, Mija vive co seu neto, que está no colexio. É unha muller excéntrica, chea de curiosidade, que goza coidando o seu aspecto e exhibe chapeus con motivos florais e vestidos con vivas cores. O azar lévaa a asistir a cursos de poesía na casa da cultura do seu barrio e, por primeira vez na súa vida, a escribir un poema. Busca a beleza na súa contorna habitual, á que non prestara ningunha atención especial ata ese momento. Finalmente, ten a impresión de descubrir cousas que sempre viu e iso encántalle. Con todo, prodúcese un suceso inesperado que lle fai darse conta de que a vida non é tan fermosa como cría. Proxeccións: xoves 20 ás 20:15; venres 21 ás 20:15 e sábado 22 de outubro ás 17:15 e 20:15. Entradas: 3 euros (carné xove, maiores de 65 anos e desempregados/as, 2 euros). Debido á longa duración, proxectarase só na sesión das 20:15 horas.

"Ella, una joven china", de Xiaolu Guo (Reino Unido, 2009, 103 minutos, V. O. S. en castelán), N. R. M. de 12 anos, dentro do ciclo Encrucilladas, na Sala Fernando Rey. Unha moza chinesa que decide abandonar a súa monótona vida nun pobo polo trafego de Chongqing, a cidade máis próxima. Pero nada sae como esperaba. Despois de ser despedida da fábrica onde traballa, namórase de Spikey, un asasino a soldo cuxo pasado non tarda en pasarlle factura. Sen pensalo dúas veces, marcha a Londres, onde casa cun home maior, o Sr. Hunt. Empeza unha nova vida para Mei, que agora se encontra atrapada no silencio dunha casa inglesa, aburrida e totalmente afastada do que a rodea. Proxeccións: xoves 20 ás 20:30; venres 21 ás 20:30 e 23:00; e sábado 22 ás 17:30 e 20:30 h. Entradas: 3 euros (carné xove, maiores de 65 anos e desempregados/as, 2 euros). As sesións do venres ás 23:00 e sábado ás 17:30 h., 1,50 euros.

Xoves 20
Fórum Metropolitano
20:30
Entradas: 5 euros (3 euros con carné xove, maiores de 65 anos ou desempregados).

Dentro do 6º Festival Galego de Cabaré, representación de "Aberto por folga", por Tangatutanga Teatro (Galicia). Un divertido cabaré musical con preto de dez persoas en escena para falar dun tema de rabiosa actualidade como a realidade económica, social e laboral que nos tocou vivir. Baixo a dirección de Bea Bravo.