Luns 4
Fundación Luís Seoane (Rúa San Francisco, s/n.)
20:00
Entrada libre até completar capacidade.

Dentro do "Ciclo Pier Paolo Pasolini", durante o que se poderán ver seis das súas máis célebres películas, con motivo da mostra "A voz de Pasolini. Primeiros apuntamentos dun ensaísta cinematográfico", proxección de "Accatone".

Do venres 1 de abril ao domingo 10 de xullo
Fundación Luís Seoane (Rúa San Francisco, s/n.)
Martes a sábado de 11:00 a 14:00 h. e de 17:00 a 20:00 h.
Domingos de 11:00 a 14:00 h. Luns pechado.
Entrada libre.

A relación dos escritores, filósofos e artistas cos seus espazos de creación sempre fascinou aos estudosos da literatura e a estética, sobre todo se temos en conta que o lugar onde se escribe unha obra influe significativamente no ritmo, a estrutura e o contido da mesma. Partindo desta base nace a exposición "Cabanas para pensar", un proxecto de Eduardo Outeiro comisariado por Alfredo Olmedo e Alberto Ruiz de Samaniego. A través das cabanas de once creadores fundamentais da modernidade, desenvólvese unha investigación que afonda e pon de manifesto a importancia da organización do espazo de pensamento no acto de creación. Neste caso, o contorno en cuestión escollido por todos eles redúcese (en apariencia somente) á mínima expresión arquitectónica, inmersa na maioría dos casos nunha natureza, ás veces exhuberante, outras agreste e minimalista. A exposición plantexa un estudo da relación existente entre a intimidade escollida conscientemente e o proceso creativo por parte dos filósofos Ludwig Wittgenstein e Martin Heidegger, os compositores Edvard Grieg e Gustav Mahler, o dramaturgo August Strindberg, os escritores Knut Hamsun, George Bernard Shaw e Virginia Woolf, o poeta Dylan Thomas, o cineasta Derek Jarman, e, por último, o explorador e escritor Thomas Edward Lawrence, máis coñecido como Lawrence de Arabia.

Venres 11
Fundación Luís Seoane (Rúa San Francisco, s/n.)
20:00
Entrada libre até completar capacidade.

"Homenaxe a Manuel Espiña Gamallo". Intervirán: Celia Castro, Luz Pozo, Felipe Senén, Francisco Pillado, Manuel Rivas e Victorino Pérez Prieto. Actuacións musicais de Mini e Mero e Coral Polifónica Follas Novas. Organizada pola Comunidade Home Novo.

Xoves 10
Fundación Luís Seoane (Rúa San Francisco, s/n.)
19:30
Entrada libre até completar capacidade.

Presentación do catálogo da exposición "Pere(t)c. Tentativa de inventario" e proxección da película "Un homme qui dort".

Do venres 4 de febreiro ao domingo 10 de abril
Fundación Luís Seoane (Rúa San Francisco, s/n.)
Martes a sábado de 11:00 a 14:00 h. e de 17:00 a 20:00 h.
Domingos de 11:00 a 14:00 h. Luns pechado.
Entrada libre.

Lembrado sobre todo pola súa obra cinematográfica, a dimensión do traballo e da figura do cineasta e escritor Pier Paolo Pasolini (Boloña, 1922-Ostia, 1975) va moito máis alá dun realizador ao uso, xa que a súa actividade poética, ensaística e política marcaron así mesmo a traxectoria de quen, segundo Susan Sontag, "é, sen discusión, a figura máis notable que xurdiu na arte e na literatura italianos desde a Segunda Guerra Mundial". A exposición "A voz de Pasolini. Primeiros apuntamentos dun ensaísta cinematográfico" céntrase fundamentalmente en dúas das súas obras máis coñecidas: "Mamma Roma" (1962) e "La Rabbia" (1963). Grazas á colaboración do Centro de Estudos-Arquivo Pier Paolo Pasolini e, sobre todo, do cineasta, crítico e historiador cinematográfico Carlo di Carlo, axudante de dirección en ambas as dúas películas, a Fundación Luís Seoane acollerá nas súas salas obras e materiais en diferentes soportes que axudarán a conformar un proxecto que afonda na figura de Pasolini como ensaista e, sobre todo, como pioneiro do ensaio cinematográfico e teórico do cine de poesía, en termos do propio intelectual italiano. A través do rexistro sonoro dos diarios de traballo de "Mamma Roma" realizados polo artista, gran parte deles inéditos, así como de textos manuscritos, debuxos orixinais, esquemas de rodaxe, guións e, nunha sección diferenciada, a exposición do caderno de montaxe de "La Rabbia", "A voz de Pasolini" ofrece unha heteroxénea visión dunha figura controvertida, pero sobre todo comprometida co proceso creativo da súa propia obra en paralelo ao profundo estudo da época convulsa e da sociedade na que lle tocou vivir. A inauguración terá lugar o venres 4 de febreiro ás 20:30 h.
Ás 19:00 h. dese mesmo día terá lugar unha conferencia de Carlo di Carlo, colaborador de Pasolini.

Do venres 4 de febreiro ao domingo 20 de marzo
Fundación Luís Seoane (Rúa San Francisco, s/n.)
Martes a sábado de 11:00 a 14:00 h. e de 17:00 a 20:00 h.
Domingos de 11:00 a 14:00 h. Luns pechado.
Entrada libre.

"Homenaxe a cidades e outros lugares de Seoane" ofrece ao espectador unha escolla de preto de 50 obras que son reflexo, ás veces fidedigno e outras evocador, de parte dos lugares nos que o artista habitou ou aos que viaxou nun determinado momento, e da transformación destes en óleo, xilografía, bosquexo a lapis... Un xeito diferente de achegarse a un Seoane desdobrado nesta ocasión en centos de cidades, países ou paisaxes: Galicia, Bos Aires, Venecia, Xenebra, Londres, París, Montevideo, Bonn... A utilización do material que recopilou durante estas viaxes amosa tanto a súa enorme bagaxe cultural como o uso que fai da mesma, posto que atopamos a pegada destes itinerarios non só na obra gráfia, senon en reflexións que utiliza como guía para posteriormente trasladar a súa experiencia física a un soporte artístico determinado. O resultado e a riqueza deste proceso é do que o espectador será testemuña nesta mostra. Paralelamente á realización da exposición, editarase un catálogo que recollerá a obra exposta no que participarán a través de diferentes textos Juan Manuel Bonet, Alberto Ruiz de Samaniego, Xosé Díaz e Ramón Villares.

Domingo 16
Fundación Luís Seoane (Rúa San Francisco s/n.)
20:00
Entrada libre até completar capacidade.

"Opera Aperta (en parte) volume I" é un "recital performativo". É unha celebración da palabra, do silencio, da música e do silencio. É un diálogo entre a palabra e a música, onde a música ten, significativamente, a primeira e a última palabra. É un duelo irónico entre os diversos textos que le Manuel M. Romón e os diferentes instrumentos que toca Julián Hernández. "Opera Aperta" parte da crenza de que Umberto Eco leva razón (en parte). Por iso, esta "acción (en parte) falada" deixa aberta desde a súa propia formulación a posibilidade de ulteriores volumes, e/ou de, chegado o caso, aumenta-lo volume mesmo. Con este acto clausúrase a exposición Pere(t)c, sobre a figura de Georges Perec.

Xoves 16
Fundación Luís Seoane (Rúa San Francisco, s/n.)
20:00
Entrada libre até completar capacidade.

Eduardo Scala, catalogado como poeta raro ou visual, e que garda certa simetría con Georges Perec —autor da serie "Perec per se" incluida na exposición Pere(t)c da Fundación Luís Seoane—, poeta, inventor de códigos, xogos de linguaxe e meta-métricas, é un dos referentes da poesía española das últimas décadas. "Poesíajedrez", título da súa conferencia, reflexiona sobre 8 libros de poemas escritos ao longo das últimas dúas décadas baseados no paradigma do xogo dos xogos, entre as que compre destacar o seu "Xadrez de Paxaros," composto polo timbre de 16 aves, libro dedicado ao mítico compositor John Cage (Xoán Gaiola) con quen o poeta realizou o rito do infinito a través dunha partida de xadrez.

Organizados pola Universidade Invisíbel, e patrocinados pola Concellaría de Mocidade do Concello de A Coruña e a Fundación Luís Seoane, os Obradoiros de Cultura Contemporánea constitúen un marco no que analizar tanto os diferentes formatos dos que se nutre a produción cultural hoxe en día coma os retos aos que ésta se enfronta. Nos obradoiros analizaranse conceptos como as licencias abertas, os cambios producidos pola aparición, difusión e acceso a determinados recursos tecnolóxicos, a posibilidade de compartir espazos de debate e intercambio non físicos, etc. A entrada é libre, e desenvólvense na Fundación Luís Seoane, salvo no concerto do venres á noite.

PROGRAMA:
Venres 3 decembro
10:00 h. "VJ Historia do cinema" (teatro resoante).
12:00 h. "Arte sonora & fonografía" (alg-a).
17:00 h. "Contra as cartografías" (proxecto derriba).
21:00 h. "Sesión DJ & VJ" (mdmme cell + freeswl; no Patachim).

Sábado 4 decembro
12:00 h. Presentación da instalación "POPMETRÓPOLIS" (Ergosfera).
16:30 h. Charlas sobre produción cultural (interveñen: YProductions [BCN], Antón Fernández Rota, Man_Hauser, Culture Workers).
20:30 h. Concerto Iku Lobi Ocha (Carlos Suárez).

Xoves 2
Fundación Luís Seoane (Rúa San Francisco, s/n.)
19:15
Entrada libre até completar capacidade.

Remata o ciclo Luís Seoane. Arte e industria na Fundación Luís Seoane coa intervención do arquitecto e coordinador do ciclo Manuel Gallego Jorreto, que tratará a figura de Luís Seoane  en relación ao Laboratorio de Formas, ao que seguirá unha mesa redonda na que participarán Isaac Díaz Pardo, Andrés Fernández Albalat e o propio Manuel Gallego.

Venres 26
Fundación Luís Seoane (Rúa San Francisco, s/n.)
19:15
Entrada libre até completar capacidade.

Continúa o ciclo Luís Seoane. Arte e industria na Fundación Luís Seoane coas conferencias do escritor Xavier Seoane, "Teoría, compromiso e acción" e a do deseñador gráfico Xosé Díaz, con "Teoría e praxe do deseño en Luís Seoane".

Xoves 25
Fundación Luís Seoane (Rúa San Francisco, s/n).
19:30
Entrada libre até completar capacidade.

Dentro do ciclo de conferencias "Luís Seoane. Arte e industria" que organiza a Fundación Luís Seoane, o crítico de arte e escritor Juan Manuel Bonet será o inaugurador da serie coa conferencia "Introducción á figura de Luís Seoane".

Venres 19
Fundación Luís Seoane (San Francisco, s/n.)
20:00
Entrada libre até completar capacidade.

En relación coa exposición dedicada a Walter Benjamin na Fundación Luís Seoane, conferencia de Fernando Castro Flórez: "Paradoxos políticos, interrupcións artísticas, neurastenia histórica".

Do xoves 18 de novembro ao domingo 6 de febreiro
Fundación Luís Seoane (Rúa San Francisco, s/n.)
Martes a sábado de 11:00 a 14:00 h. e de 17:00 a 20:00 h.
Domingos de 11:00 a 14:00 h. Luns pechado.
Entrada libre.

A exposición "Constelacións", centrada na figura de Walter Benjamin (1892-1940), está organizada polo Círculo de Bellas Artes, a Sociedad Estatal de Conmemoraciones Culturales (SECC), e a Agencia Española de Cooperación Internacional para el Desarrollo (AECID), e conta coa colaboración do Walter Benjamin Archive, da Fundación Luís Seoane e da Fundación Repsol, sendo comisariada por César Rendueles e Ana Useros, e divídese en tres partes:
En primeiro lugar é un intento de pensar a través de imaxes algúns conceptos centrais da obra de Walter Benjamin. Trátase dun conxunto de citas audiovisuais -escenas de películas, fotografías, pinturas, gravacións sonoras, animacións, documentos históricos...- artelladas segundo unha metodoloxía que desenvolveu o propio Benjamin. O resultado é unha peza audiovisual, dividida en seis capítulos, cada un deles dedicado a un concepto central da obra de Benjamin.
En segundo lugar, o Atlas Benjamin é unha ferramenta informática que permite navegar por unha ampla escolla de textos benxaminianos unidos por hipervínculos e de temática e procedencia diversa. De novo, é unha estratexia de Benjamin mediante o complexo sistema de referencia, arquivado e indexado que empregaba nos seus escritos.
E, por último, os Modelos de Audición recuperan os guións que Benjamin elaborou entre 1929 e 1933 para a Radio do Sudoeste de Alemania en Fráncfort, con novas locucións en castelán.

Venres 5
Fundación Luís Seoane (rúa San Francisco, s/n.)
20:20
Entrada libre até completar capacidade.

Participantes: Héctor Francesc [Pintura], Antonio Amado [Deseño Industrial], Fermín Blanco [Sistema Lupo], Rocío Vázquez [Eventos], María José Ortuño+Antonio Mercurio [Música+Fotografía], Carlos Quintáns [Arquitectura], Guillermo Arias [Deseño Gráfico], Carlos Álvarez [Fotografía], David Pintor [Ilustración] e Cardigan Bridge [Música]. As Pecha Kucha Nights son un formato de presentación ou charlas multidisciplinares nas que os diferentes poñentes utilizan 20 imaxes de apoio, cada unha de 20 segundos de duración que se proxectan durante a intervención dos distintos participantes. A duración destas intervencións é de aproximadamente 6 minutos e 40 segundos, e participan entre 10 e 14 poñentes. Foron creadas en 2003 por Astrid Klein e Mark Dytham do estudio de arquitectura Klein Dytham, cuxa sé se atopa en Tokio, onde se celebrou a primeira presentación baixo este formato. A intención dos seus creadores non era outra que ofrecer un marco máis informal e distendido que as habituais poñencias ao uso, de longa duración e apoiadas por tediosas presentacións audiovisuais, ademáis de abrir o formato a todo tipo de iniciativas culturais ou artísticas, desde deseño gráfico a arquitectura, pintura, música, fotografía, ilustración, etc., tanto a persoas creativas con ganas de comunicar algo como a aquelas que estean comezando a súa andaina profesional e non poidan acceder nun principio a un circuito de galerías ou revistas especializadas para dar a coñecer os seus proxectos. No Salón de Actos da Fundación.