Mércores 20
Galería Sargadelos (Rúa Real, 56)
20:00
Entrada libre até completar capacidade.

Mesa redonda "O farturento vertedoiro", con Xoán Doldán, membro de Véspera de nada, Guillermo Fernández-Obanza, fundador e secretario de Ecodesarrollo Gaia e Fermín Blanco, arquitecto, moderados por Nilo Casares, comisario de proxectos artísticos. A mesa inscríbese na exposición "Sofás", de Amador Iravedra, autor desta fotografía.

Do venres 17 de xuño ao mércores 17 de agosto
Galería Sargadelos (Rúa Real, 56)
De luns a venres: de 17:30 a 20:30 h.
Sábados: de 11:00 a 14:00 h.
Entrada libre até completar capacidade.

Exposición fotográfica "Sofás", de Amador Iravedra. En palabras do seu autor: "Un tiempo después empecé a fijarme en los catálogos de sofás y su mundo ideal de hogares y familias felices, inspirado por esa publicidad decidí montar mi propia campaña: SOFÁS IRAVEDRA, con camisetas y cartelería previas a mis exposiciones, que con un guiño despistan al espectador y lo introducen en una galería a ver la serie de fotografías SOFÁS".

Venres 10
Galería Sargadelos (Rúa Real, 56)
20:00
Entrada libre até completar capacidade.

Remata o "Ciclo Escrita(s) 2011", que, baixo o título de "Circunvolucións", consistiu nunha serie de charlas na que se abordou a experiencia que coa(s) escrita(s) manteñen diversos autores, tratando de atravesar a partir das diferentes liñas de universo dos/das conferenciantes/conferenciantas a proliferación das inscricións que fan con nós comunidade. Nesta décima e derradeira charla deste ciclo, Marcos Pérez falará sobre "A demolición é o ferro que nos (des)arma": "A esquerda asómase a un tempo completamente novo, a unha caste de 'horizonte do infinito' -onde xa non hai máis terra- perdendo a loita pola hexemonía e obrigada a recomezar a Historia in medias res. A esquerda, ferida pola sociedade de consumo, a fe no progreso, o antihumanismo, o individualismo e os espazos privados, esqueceu o cerne do seu discurso: a comunidade, o colectivo, a democracia, a fraternidade republicana. Cómpre mirar aos ollos á derrota, fender os valados, desfacer as barricadas e os dogmas e atoparse nun movemento ubicuo e multiforme. Aplicando o verso (remudado) de Lois Pereiro, máis que demoler, cómpre construír. Cómpre resocializar a política, recuperar a iniciativa, recuperar a indignación."

Venres 3
Galería Sargadelos (Rúa Real, 56)
20:00
Entrada libre até completar capacidade.

Continúa o "Ciclo Escrita(s) 2011", que, baixo o título de "Circunvolucións", consiste nunha serie de charlas na que se abordará a experiencia que coa(s) escrita(s) manteñen diversos autores, tratando de atravesar a partir das diferentes liñas de universo dos/das conferenciantes/conferenciantas a proliferación das inscricións que fan con nós comunidade. (Aquí deixamos o programa completo: Ciclo Escritas 2011 Sargadelos). Nesta novena charla, María do Cebreiro falará sobre "Rosalía de Castro entre a modernidade e a antimodernidade – elementos para unha nova política de tempo": Rosalía de Castro nace no mesmo ano no que Charles Darwin debuxa no seu caderno de apuntamentos unha árbore que torcerá o curso do pensamento humano sobre a natureza. Así como dende Darwin o patrón evolutivo se converteu nun dos fundamentos das ciencias da natureza, a modernidade filosófica tendeu a converter a idea ilustrada do progreso nunha das súas principais liñas de forza. Na obra de Rosalía de Castro o progreso desempeña unha función ambivalente. A democracia radical, a utopía socialista e o feminismo da igualdade conviven coa defensa da especificidade cultural de Galicia e a temporalidade progresiva das grandes revolucións coexiste coa apoloxía de certos costumes ameazados pola modernidade. O dobre compromiso descrito permite contribuír a explicar a riqueza sempre problemática da súa obra, capaz de abrir un interrogante que segue batendo no presente: Como conciliar os principios dun igualitarismo universal de carácter emancipador co recoñecemento de distintos tempos dentro deste tempo?"

Venres 27
Galería Sargadelos (Rúa Real, 56)
20:00
Entrada libre até completar capacidade.

Continúa o "Ciclo Escrita(s) 2011", que, baixo o título de "Circunvolucións", consiste nunha serie de charlas na que se abordará a experiencia que coa(s) escrita(s) manteñen diversos autores, tratando de atravesar a partir das diferentes liñas de universo dos/das conferenciantes/conferenciantas a proliferación das inscricións que fan con nós comunidade. (Aquí deixamos o programa completo: Ciclo Escritas 2011 Sargadelos). Nesta oitava charla, Rebeca Baceiredo falará sobre "T(r)opos ou unknow pleasures": "A linguaxe empápase dunha orde social e reprodúcea. A linguaxe, logo, funciona con consignas. Que un texto dinamite a armazón pola que se liga ao statu quo é que as palabras dun texto deixen un espazo ao seu redor para poder latexar o seu ritmo, o seu tacto. Facer balbucir a lingua é do que se fala. Ir máis alá da linguaxe, e que isto signifique unha revolución. Das conciencias."

Venres 20
Galería Sargadelos (Rúa Real, 56)
20:00
Entrada libre até completar capacidade.

Continúa o "Ciclo Escrita(s) 2011", que, baixo o título de "Circunvolucións", consiste nunha serie de charlas na que se abordará a experiencia que coa(s) escrita(s) manteñen diversos autores, tratando de atravesar a partir das diferentes liñas de universo dos/das conferenciantes/conferenciantas a proliferación das inscricións que fan con nós comunidade. As charlas desenvolveranse todos os venres até o 10 de xuño. (Aquí deixamos o programa completo: Ciclo Escritas 2011 Sargadelos). Nesta sétima charla, Aurelio Castro falará sobre "Aparecendo fontainhas". Estarricado no cuarto de Vanda ou redivivo na carta de Ventura, o barrio das Fontainhas emprestoulle ao cinema de Pedro Costa, de 2000 a 2006, a resistencia do claroscuro; e canda ela, un retruécano: a visibilidade da política conleva unha política da visibilidade. Devalo lumínico, o da banlieue lisboeta, cuxa intelectualidade era á vez o desacordo de Jacques Rancière pola sustracción de Alain Badiou. Xustamente, non aparece quen quere, senón quen pode.

Venres 13
Galería Sargadelos (Rúa Real, 56)
20:00
Entrada libre até completar capacidade.

Continúa o "Ciclo Escrita(s) 2011", que, baixo o título de "Circunvolucións", consiste nunha serie de charlas na que se abordará a experiencia que coa(s) escrita(s) manteñen diversos autores, tratando de atravesar a partir das diferentes liñas de universo dos/das conferenciantes/conferenciantas a proliferación das inscricións que fan con nós comunidade. As charlas desenvolveranse todos os venres ás 20:00 h., até o 10 de xuño. (Aquí deixamos o programa completo: Ciclo Escritas 2011 Sargadelos). Nesta sexta charla, Estevo Creus falará sobre "Un lugar sen rastro ou de como a palabra impide". A través de intervencións e accións poéticas abrirase unha reflexión sobre a desaparición do corpo ou a aparición do corpo como inimigo no eido teórico, político, social e científico. A necesidade da literatura e as artes como mecanismo de normalización da excepción. Unha teoría sobre o perigo das teorías ou de cómo a palabra impide: e se non me deteño e dou un salto e me deteño e salto? e se me deteño e dou un salto e non me deteño e salto? O precioso é unha condición do obxeto ou o precioso é maderable? e se todo é 1 é?

Venres 6
Galería Sargadelos (Rúa Real, 56)
20:00
Entrada libre até completar capacidade.

Continúa o "Ciclo Escrita(s) 2011", que, baixo o título de "Circunvolucións", consiste nunha serie de charlas na que se abordará a experiencia que coa(s) escrita(s) manteñen diversos autores, tratando de atravesar a partir das diferentes liñas de universo dos/das conferenciantes/conferenciantas a proliferación das inscricións que fan con nós comunidade. As charlas desenvolveranse todos os venres ás 20:00 h., até o 10 de xuño. (Aquí deixamos o programa completo: Ciclo Escritas 2011 Sargadelos). Nesta quinta charla, Edita Rodríguez falará sobre "Ferramentas artísticas como metodoloxía de intervención política. Formas culturais híbridas entre a arte, o activismo político e a organización comunitaria". Propostas que problematizan non só co medio artístico máis institucional, senón que nun contexto de arte pública, aparecen directamente relacionadas con problemáticas sociais, enleadas na lóxica do statu quo. Non producen simplemente obxectos, imaxes e mensaxes, senón intervencións efectivas ou obxectos do mundo social, tentando reinstaurar un determinado sentido da comunidade. Pretenden ser unha vocación da arte para encontrar unha resposta ás formas do poder económico, institucional e ideolóxico... producindo experiencia e coñecementos críticos.

Do xoves 5 de maio ao domingo 5 de xuño
Galería Sargadelos (Rúa Real, 56)
Entrada libre até completar capacidade.

Exposición "Carpinturías", de Branda.

SEN TÍTULO- 17
Cantiga de escarnio, maldizer e amor amigo
Ondas martenot do gym
amor hei!
Celulites sen leixaprén
amor hei!
Táboas que non teñen fin
amor hei!
Cartiños que me ghastei
amor hei!
(Estíbaliz...Espinosa)

Mércores 27
Galería Sargadelos (Rúa Real, 56)
20:00
Entrada libre até completar capacidade.

Continúa o "Ciclo Escrita(s) 2011", que, baixo o título de "Circunvolucións", consiste nunha serie de charlas na que se abordará a experiencia que coa(s) escrita(s) manteñen diversos autores, tratando de atravesar a partir das diferentes liñas de universo dos/das conferenciantes/conferenciantas a proliferación das inscricións que fan con nós comunidade. As charlas desenvolveranse todos os venres ás 20:00 h, entre o 1 de abril e o 10 de xuño, salvo o mércores 27 de abril. (Aquí deixamos o programa completo: Ciclo Escritas 2011 Sargadelos). Nesta cuarta charla, Iago Martínez presenta a "Tetra & Freek", un grupo musical formado por tres rapaces afincados en Santiago de Compostela, que veñen de renovar completamente o panorama musical actual. Acoden á galería Sargadelos para revelar o segredo do seu éxito e as claves para comprender mellor o ponk, o novo xénero musical revolucionario que xa está a conquistar o mundo.

Venres 15
Galería Sargadelos (Rúa Real, 56)
20:00
Entrada libre até completar capacidade.

Continúa o "Ciclo Escrita(s) 2011", que, baixo o título de "Circunvolucións", consiste nunha serie de charlas na que se abordará a experiencia que coa(s) escrita(s) manteñen diversos autores, tratando de atravesar a partir das diferentes liñas de universo dos/das conferenciantes/conferenciantas a proliferación das inscricións que fan con nós comunidade. As charlas desenvolveranse todos os venres ás 20:00 h, entre o 1 de abril e o 10 de xuño, salvo o mércores 27 de abril. (Aquí deixamos o programa completo: Ciclo Escritas 2011 Sargadelos). Nesta terceira charla, Fran Cortegoso falará sobre "O lugar do corvo": "O corvo como símbolo da morte é aparición última da vida. Só lucubramos a morte a través da alteridade. É inexistencia do ser, e inexistencia mesma é. Así é o corvo síntese de vida, de proceso concluso, e por tanto de recordación, de percurso vital como histórico e relato. O corvo como símbolo dun proceso estético e ético."

Venres 8
Galería Sargadelos (Rúa Real, 56)
20:00
Entrada libre até completar capacidade.

Continúa o "Ciclo Escrita(s) 2011", que, baixo o título de "Circunvolucións", consistirá nunha serie de charlas na que se abordará a experiencia que coa(s) escrita(s) manteñen diversos autores, tratando de atravesar a partir das diferentes liñas de universo dos/das conferenciantes/conferenciantas a proliferación das inscricións que fan con nós comunidade. As charlas desenvolveranse todos os venres ás 20:00 h, entre o 1 de abril e o 10 de xuño, salvo o mércores 27 de abril. (Aquí deixamos o programa completo: Ciclo Escritas 2011 Sargadelos). Nesta segunda charla, Miguel Prado falará sobre "Silencio en branco. Experimentación, ruído e coleccionismo": "(...) O silencio non ten nada que ver coa calma ou coa tranquilidade. Non se encontra na natureza, simplemente ocorre como un suceso, como unha ruptura na situación na que un se atopa. Non é necesariamente bonito ou agradábel, senón que mesmo pode ser horríbel. En calquera caso, evoca unha forte conciencia do que está ocorrendo en absoluto, un encontro directo (non simbólico ou imaxinativo) coa realidade, o que significa continxencia, a singularidade, o baleiro (...).

Venres 1
Galería Sargadelos (Rúa Real, 56)
20:00
Entrada libre até completar capacidade.

Comeza o "Ciclo Escrita(s) 2011", que, baixo o título de "Circunvolucións", consistirá nunha serie de charlas na que se abordará a experiencia que coa(s) escrita(s) manteñen diversos autores, tratando de atravesar a partir das diferentes liñas de universo dos/das conferenciantes/conferenciantas a proliferación das inscricións que fan con nós comunidade. As charlas desenvolveranse todos os venres ás 20:00 h., entre o 1 de abril e o 10 de xuño, salvo o mércores 27 de abril. (Aquí deixamos o programa completo: Ciclo Escritas 2011 Sargadelos). Nesta primeira charla, Iago Martínez falará sobre "Lois Pereiro: amor e resistencia": "Modesta proposición para ler politicamente a Lois Pereiro. Porque a morte era o enésimo disfraz do poder. Porque escribir era un incendio. Porque as vítimas eran as vítimas de sempre. Porque había que loitar polo evidente. Porque vida e obra eran as armas para tomar as selvas lacandonas do que nos foi prohibido."

Do venres 18 de marzo ao luns 18 de abril
Galería Sargadelos (Rúa Real, 56)
Entrada libre até completar capacidade.

Exposición "Cliname(s). Batalla(s) do tempo", de Xavier Riomao. Propiamente expropiados pola pintura os corpos comezan propiamente a ser corpos da pintura. Suplemento dun real sempre difícil. Diríase que a pintura, mobiliza aquí os desvíos para ela, acoller a acción da man que introduce o mundo no lenzo -que no caso non é outro que- o campo onde se batalla. Primeiro aspecto, primeira visión, primeira pintura. Un corpo, para comezar, exponse... A inauguración será o venres 18 de marzo ás 20:00 h.

Mércores 16
Galería Sargadelos (Rúa Real, 56)
19:30
Entrada libre até completar capacidade.

A Asociación Galega de Profesionais da Ilustración prosegue o seu ciclo "Tertulias AGPI" co acto titulado "Os retos da era dixital: como afrontar os novos tempos no mundo da ilustración", que contará como convidado especial con Henrique Torreiro (Ourense, 1972), xerente da FADIP (Federación de Asociaciones de Ilustradores Profesionales) e coordinador do Observatorio da Ilustración Gráfica. A irrupción dos medios dixitais, e nomeadamente da internet, ten suposto un cambio radical na sociedade, e tamén no exercicio profesional da ilustración. Ao lado das múltiples vantaxes que trae consigo, os novos tempos teñen tamén algúns riscos aos que é importante prestar atención. Coincidindo coa recente publicación do informe do Observatorio "Los retos de la era digital", falarase nesta ocasión de todas as novas situacións que se están a dar na relación dos lustradores coas editoriais, os medios de comunicación e as demais industrias con que colaboran. Para abrir o coloquio, falará Henrique Torreiro, coordinador dos traballos do Observatorio. Este faladoiro conta coa colaboración da Galería Sargadelos da Coruña e co patrocinio da Concellaría de Cultura. A AGPI desenvolve o seu programa "Tertulias AGPI" de forma periódica en diferentes localidades da xeografía galega, co fin de dar a coñecer a profesión de ilustrador á sociedade e, ao mesmo tempo, fomentar a relación e intercambio de información e coñecemento entre os ilustradores.