Xoves 
1
Fundación Nova Caixa Galicia da Coruña (Cantón Grande 21-24)
20:00
Entrada libre até completar capacidade.
Presentación do libro "A bordo dun barco sen luces. O mundo poético de Luís Pimentel", de Luz Pozo Garza, publicado en Alvarellos. No acto intervirán, xunto á autora, Román Raña, Olivia Rodríguez-Tudela, María Xesús Piñeiro e Henrique Alvarellos.
Martes 
12
Sala de Exposicións do Palacio Municipal
19:30
Entrada libre até completar capacidade.
Recital poético en "Homenaxe á Torre de Hércules", no que participan Ánxeles Penas, Luz Pozo, Eva Veiga, Xavier Seoane, Miguel Anxo Fernán-Vello, Xulio L. Valcárcel, Olga Patiño, Francisco X. Fernández Naval, Miguel Mato, Diana Varela e Dores Tembrás.
A Asociación de Escritores en Lingua Galega promove para mañá mércores día 24 de febreiro a lectura dun manifesto conmemorativo do nacemento da escritora galega Rosalía de Castro, a celebrar en varias cidades do país. Na Coruña a lectura terá lugar ás 18:00 no monumento a Curros Enríquez e contará coa participación de Cesáreo Sánchez Iglesias, presidente da AELG; Mercedes Queixas, secretaria xeral da AELG, Manuel Rivas, Xavier Seoane e Luz Pozo. Colabora a Concellaría de Cultura do Concello da Coruña.
O artista José Valentín expón na Coruña a colección Deter o día cunha flor, que recolle os gravados que o artista preparou para os poemas de Luz Pozo, publicados nun libro do mesmo título por Baía Edicións. O acto de inauguración terá lugar na Casa Museo Casares Quiroga, rúa Panadeiras 12 (A Coruña), o mércores 29 ás 20:00 horas, e nel participará o tamén gravador e humorista Siro López. A exposición estará aberta do 28 de xullo ao 16 de agosto.
Hoxe mércores 22 de abril ás 20.00 horas na Fundación Caixa Galicia da Coruña (Cantón Grande 21-24) terá lugar a presentación do libro Deter o día cunha flor de Luz Pozo Garza e José Valentín, editado por Baía. No acto intervirán, ademais dos autores, Ánxeles Penas, Olga Patiño e Belén López Vázquez. A entrada é libre.
O tempo na Coruña
