A Plataforma Proxecto Cárcere convida a participar das Xornadas de Portas Abertas no Antigo Cárcere Provincial da Coruña que terán lugar do mércores 8 ao sábado 11 de xuño. A inauguración das xornadas está prevista para o mércores 8 de xuño ás 18:30 horas.
Durante as xornadas realizaranse actividades sociais, culturais e da memoria organizadas por diversas persoas e colectivos da nosa cidade co fin de mostrar o grande potencial que ten este edificio, noutroras símbolo da represión, como espazo de encontro e liberdade dende onde a cidadanía podamos participar activamente na construción da nosa comunidade.
As xornadas son un paso máis nun proceso que comezou a finais do 2010 cando un grupo de aproximadamente 40 persoas e colectivos decidiu constituir a Plataforma Proxecto Cárcere e traballar conxuntamente cara á recuperación do antigo cárcere como centro sociocultural e da memoria. Por iso, alén de visibilizar in situ esta iniciativa enchendo o cárcere de actividades e persoas, e de promover o apoio e participación da sociedade coruñesa, pensan as xornadas como unha oportunidade de debater e reflexionar sobre a construción do proxecto xa cara a presentación futura dunha proposta firme e consensuada desde a participación e xestión cidadá. Con este fin haberá debates abertos á participación de todas as persoas e colectivos interesados en temas como: modelos de xestión e financiamento, titularidade do espazo, participación cidadá, construción de comunidade, creación e producción artistica, tecido asociativo da cidade, etc.
Alén da programación de actividades tamén se poderá visitar no mesmo cárcere de forma aberta durante os 4 días de xornadas a exposición LIBERDAD.É. Esta exposición é o resultado dun chamamento aberto para producir obras que explorasen o concepto de Liberdade como símbolo de ruptura co espazo que o cárcere ten representado historicamente no noso imaxinario. Nesta exposición participan por volta de 20 artistas con esculturas, videoarte, fotografía, pintura, instalacións, etc. A inauguración de LIBERDAD.É terá lugar o mércores 8 de xuño ás 19:15 h. despois da leitura do manifesto da "Plataforma Proxecto Cárcere".

PROGRAMA

Mércores 8:
19:00.- Inauguración das Xornadas: Lectura do manifesto Plataforma Proxecto Cárcere, acompañados do saxofonista Marcos Casás.
19:15.- Inauguración da exposición "Liberdad.é".
20:00.- Debate aberto: "Producción e xestión cultural".
21:30.- Obradoiro a cargo de Fredi Muíños do colectivo Manicómicos.
22:00.- Concerto de Manu Clavijo.
Actividade continua:
- Demostración e degustación: "Cociña solar e consumo responsábel". Juan Bello e Cooperativa Zocamiñoca.
- Mural participativo: "Cultura-Sociedade-Memoria". Plataforma Proxecto Cárcere.

Xoves 9:
19:00.- Debate aberto: "O movemento cidadán 15-M".
21:30.- Concerto de Álvaro Muras.
22:30.- "Cabaret As3": Carmen Cotelo, Noemí Miranda, Alba Fernández.

Venres 10:
16:50.- Feira de troco de obxectos. Rede Troco Coruña e Cooperativa Zocamiñoca.
17:00.- Charla-obradoiro: "Embarazo, maternidade e porteo respetuoso". Ser Doulas.
18:00.- Coloquio sobre feminismo e a lei da familia. Cafés Feministas.
19:00.- Debate aberto: "O futuro do cárcere. E ti que vas facer aquí?".
20:30.- Presentación mundial do Grupo Surrealista Galego.
20:30.- Performance: "Xénero Escea. Área de descanso". Compañía Gayo Pinheiro.
21:30.- Música: "Fados de Lisboa". Gonçalo Guerreiro.
22:00.- Danza: "Bótoche unha man?". Compañía Catro no metro.
Actividades continuas:
- "Da horta á mesa! Consumo consciente e responsabel". Cooperativa de Consumo Responsábel Zocamiñoca.
- Actividade participativa: Mural feminista. Colectivo Nomepisesofreghao.

Sábado 11:
11:30.- Concentración da Comisión pola Recuperación da Memoria Histórica da Coruña coa presenza de persoas que estiveron no cárcere por motivos políticos, lectura do manifesto "Nós tamén estamos indignados" e colocación de panel conmemorativo.
17:30.- Palestra: "Represión franquista e vivencias na cadea". Comisión pola Recuperación da Memoria Histórica.
18:30.- Proxección do documental "O segredo da Frouxeira", coa presenza de Xosé Abad.

ACTIVIDADES PERMANENTES

- Recepción: Punto de información con dípticos, camisetas, chapas.
- Ordenador con web cam para "fichar ao público e participantes" (foto de frente e perfil).
- Paneis temáticos participativos onde a xente poda participar activamente no proceso.
- Espazo de proxeccións: Lugar onde se proxecten en bucle vídeos.
- Bar: Estará aberto durante todas as xornadas. Serviremos cañas, auga, refrescos e algún pincho.
- Radio: Cuac FM.
- Cobertura fotográfica: Ollo de vidro / Lomo colectivo.

CCCP from MrEIDANPELIS on Vimeo.

Venres 6
A. C. Manicómicos (Rúa Andrés Gaos, 16, baixo)
18:00
Entrada libre até completar capacidade.

Prosegue a campaña "O galego medra contigo!", organizada pola Concellaría de Mocidade, Solidariedade e Normalización Lingüística, cun obradoiro lúdico musical impartido por Pablo Díaz, Olga Kirk e Álex Fente.

Do mércores 27 de abril ao domingo 1 de maio
Asociación Manicómicos (Rúa Andrés Gaos 16, baixo, Zona As Conchiñas).
De 10:30 a 14:00 h. e de 16:00 a 19:00 h., un total de 32 horas e media.
Prezo: 150 euros para participantes (16 prazas) e 75 euros para oíntes (10 prazas).

Prosegue o Programa "ACtúa", de formación teatral para profesionais, organizado pola CasaHamlet, Manicómicos e Teatro do Andamio, en colaboración coa Concellaría de Cultura e a Deputación da Coruña, co obradoiro "A expresión do clown", por Michele Dallaire. O programa deste curso consiste en desenvolver e fixar a arte da autoescoita e o control do fluxo de enerxía en escena con un mesmo e co público tendo en conta a técnica do Clown. Os temas que se van tratar son:
* O personaxe a través do corpo: disociacións, silueta, pesos, expresividade, transferencias de enerxía, xeitos de camiñar e comportarse, ritmo, marcas, actitudes físicas, tics…
* O xogo escénico e as técnicas de actuación: a relación co público, a urxencia, o ritmo, o gag, a sorpresa, a reactivación, a escoita, o espazo…
* A construción: a entrada a escena, o pretexto, a reacción, a graduación das emocións, o tempo do público, o risco, as bromas, o fracaso, a saída…

Sábado 8 de xaneiro
Teatro Rosalía de Castro
19:00
Entradas: 8 euros (abono familiar de 3 entradas por 18 euros).

"Queridos e bravos tripulantes do Galeón Pirata Manicómico: na abordaxe prevista ao Teatro Rosalía da insigne cidade da Coruña o día 8 de xaneiro do novo ano, intervirán confeccionando esta Gran Gala de celebración do VII Aniversario de Manicómicos, máis de corenta artistas, entre cómicos, malabaristas, trapecistas, bailaríns, músicos e persoal de a bordo, que participan de forma desinteresada nun espectáculo, apto para todos os públicos, destinado a facerlles pasar a todos unha tarde de risa, que sirva ademáis para recadar fondos para financiar as actividades de Manicómicos de cara o ano 2011. Unha Asociación Cultural sen ánimo de lucro como a nosa -que ten como obxectivos fundamentais os de difundir e promover a comedia e outras artes escénicas, así coma o de ser un viveiro creativo de novas compañías e artistas profesionais, aparte de dinamizar socio-culturalmente o seu entorno, o seu barrio e, en definitiva, a súa cidade e a súa cultura-... ben merece atopar un bo tesouro!!! Na percura do mesmo, e como feito destacable desta gala, é a participación en cuberta de moitos dos alumnos que a Asociación ven formando nos últimos meses no seu amplo programa de ensino teatral. Para tan singular acontecemento, pregamos ao noso benquerido público, nenos, nenas, pais, avós e avoas, que veñan disfrazados como tripulantes que somos todos deste barco, así que ... preparados para zarpar e... á abordaxe, meus piratas!!!"

O Programa "ACtúa", de formación teatral para profesionais, organizado pola CasaHamlet, Manicómicos e Teatro do Andamio, en colaboración coa Concellaría de Cultura e a Deputación da Coruña, ten o seguinte calendario de actividades:
- 19, 20, 21, 26 e 27 de xaneiro: "A arte do actor e o proceso creativo", por Óscar Codesido. O programa centrarase no traballo sobre diferentes elementos imprescindibles para a creación escénica que esencialmente se basean no tempo dramático: tempo, duración, repetición e resposta escénica e o espazo dramático: forma corporal, xesto, ... Relación espacial, arquitectura e topografía escénica.
- Do 7 ao 10 de febreiro: "Da interpretación teatral á interpretación para cámara", por Mariana Carballal. O tránsito dende o teatro ao audiovisual pasa por coñecer e recoñecer as características e técnicas específicas que requiren ambos medios, para poder cruzar a ponte dun ámbito ao outro aproveitando ao máximo as posibilidades que ofrecen. Por iso, partindo das técnicas teatrais en canto á utilización psicofísica destas polo actor ou actriz, descubriremos as similitudes e diferenzas da súa utilización na interpretación ante a cámara.
- Do 21 de febreiro ao 4 de marzo: "Curso de interpretación", por John Strasberg. Traballo sobre unha escena escollida por cada alumno ou grupos de alumnos coas seguintes premisas: Una vez feita a inscrición condicional a organización poñerase en contacto coas persoas interesadas para solicitarlles o seu curriculum e a escena ou escenas que queiran traballar para formar un grupo cohesionado. As persoas que queden fóra do grupo poderán asistir como oíntes; cada alumno/a trae a escena coa que vai traballar, estudada de memoria e analizada; nos casos en que varios alumnos traballen xuntos unha mesma escena, dedicaráselles un tempo maior.
- Do 14 ao 17 de marzo: "O teatro en espazos alternativos", por Alberto Romero. Este obradoiro aborda técnicas aplicadas á creación teatral en espazos pechados ou abertos non convencionais, con público expectante ou improvisado, quieto ou en movemento, traballando de modo diferencial aqueles elementos técnicos que o actor e a actriz manexan no seu quefacer interpretativo: expresión, movemento, enerxía, proxección... en consideración a diversos ámbitos escénicos máis alá do clásico escenario á italiana.
- Do 28 de marzo ao 1 de abril: "Do monólogo ao diálogo", por Olga Magaña. Este curso, dirixido a profesionais do teatro, aborda e afonda diversas técnicas de investigación e expresión co obxectivo de servir de utilidade no traballo de creación de actores e actrices á hora de enfrontarse a un monólogo dende os seus diversos formatos, así como a aplicación, desenvolvemento e concreción das devanditas técnicas en escenas dialogadas. En virtude das características peculiares que configuran o interlocutor escénico (público, personaxe presente, ausente, real ou virtual) abordaranse tratamentos específicos do ritmo, a cadencia, o movemento e o espazo discorrendo do texto á escena, da acción á palabra... do monólogo ao diálogo. Direccionalidade, técnica e a combinación dos diferentes rexistros posibilitaranos transmitir organicamente o discurso interpretativo.
- Do 11 ao 16 de abril: "Obxecto, espazo, acción", por José Luis Raymond. Este curso está destinado a actores, actrices ou artistas plásticos que queiran traballar cos conceptos espaciais contemporáneos, así como cos elementos e materiais que xorden das dramaturxias visuais. con estes obxectivos: coñecer a acción teatral a través do obxecto como desenvolvemento visual, conceptual e estético de situacións que pasan pola abstracción , a narración e o simbolismo, e creación de espazos persoais, onde os apéndices corporais forman parte da prolongación da personalidade artística e visual. Tadeus Kantor, coas súas mochilas e apéndices corpóreos.
- Do 27 de abril ao 1 de maio: "A expresión do clown", por Michele Dallaire. O programa deste curso consiste en desenvolver e fixar a arte da autoescoita e o control do fluxo de enerxía en escena con un mesmo e co público tendo en conta a técnica do Clown. Os temas que se van tratar son: a personaxe a través do corpo: disociacións, silueta, pesos, expresividade, transferencias de enerxía, xeitos de camiñar e comportarse, ritmo, marcas, actitudes físicas, tics; o xogo escénico e as técnicas de actuación: a relación co público, a urxencia, o ritmo, o gag, a sorpresa, a reactivación, a escoita, o espazo; e a construción: a entrada a escena, o pretexto, a reacción, a graduación das emocións, o tempo do público, o risco, as bromas, o fracaso, a saída…
- Do 9 ao 12 de maio: "A voz na expresión teatral", por Santiago Fernández e Manuel Lourenzo. Do estudo da voz do actor á súa implicación na personaxe, eixe da acción escénica: A voz do actor: respiración, relaxación e movemento, o arco vocálico, os ritmos e exercicios prácticos; e A voz da personaxe: da voz do actor á voz da personaxe, a personaxe, contexto e características e exemplos prácticos.

A Asociación Cultural Manicómicos presenta os seus cursos de formación 2010-2011: teatro de movemento, técnicas de circo, clown e improvisación, mimo contemporáneo, creación escénica, teatro xuvenil, teatro infantil, ioga, pilates, canto, danza e hip-hop. As preinscricións faranse do 1 ao 15 de outubro. Toda a información pódese consultar aquí.

Toda a información en detalle pode consultarse aquí.

Martes 15
20:30
Forum Metropolitano
Entradas: 3 €

ESPAZO ABERTO – MANICÓMICOS. Organiza: Manicómicos.

Do 10 ao 14 de marzo celebrarase na Coruña o IX Festival Internacional de teatro cómico Manicómicos. Nesta edición de inverno do festival poderemos desfrutar durante cinco días dos máis destacados espectáculos do panorama cómico internacional, as novas creacións do emerxente
teatro galego e ata as máis enriquecedoras fusións de compañías multinacionais. Cinco días que farán que a cidade comece anticipadamente a saír do inverno cun sorriso case primaveral. O festival contará coa participación de:

El Retrete de Dorian Gray (Cataluña/Galicia): "Rúa aire"
Maquinaria Pesada (Galicia): "As vingadoras"
Gari Hutter (Suíza): "Juana de ArPpo"
Jango Edwards (USA): "Classics"
Los Excéntricos (Cataluña/Francia): "Rococó Bananas"

O Teatro Rosalía de Castro será o espazo creativo onde se celebrarán todos os espectáculos. Até o 28 de febreiro poderán mercarse abonos para todo o festival a prezo reducido, entre 27,30 € e 44,10 €. Podedes descargar o dossier informativo nesta ligazón (PDF, 4,7 MB)

O domingo 3 de xaneiro no Teatro Rosalía de Castro ás 19 horas, Gala VI Aniversario de Manicómicos. Malabares, acróbatas, clowns e trapecistas en homenaxe a Carlo Colombaioni. O prezo das entradas é de oito euros, e existe un abono familiar para tres persoas por dezaseis euros.

Esta é a axenda do VII Festival Manicómicos para esta semana:

Martes 17.- ASOCIACIÓN CULTURAL MANICÓMICOS: “DEPRIMIDOS AO RÍO”. Fórum Metropolitano. Función: 21:00. Entradas: 7 € (carné xove, maiores de 65 anos e desempregados, 5 €)

Mércores 18.- YLLANA TEATRO: “BROKERS”. Teatro Rosalía de Castro. Función: 21:00. Entradas: 7, 9, 12 e 15 € (carné xove, maiores de 65 anos e desempregados, desconto dun 20 %)

Xoves 19.- PEPE VIYUELA: “ENCERRONA”. Teatro Rosalía de Castro. Función. 21:00. Entradas: 8, 10, 14 e 18 (carné xove, maiores de 65 anos e desempregados, desconto dun 20 %)

Venres 20.- ASOCIACIÓN CULTURAL MANICÓMICOS: “GALA VII FESTIVAL”. Fórum Metropolitano. Función: 21:00. Entradas: 7 € (carné xove, maiores de 65 anos e desempregados, 5 €)

Presentación do VII Festival Manicómicos

Deuse a coñecer a programación do VII Festival Internacional de Teatro Manicómicos, que convertirá por uns días o Teatro Rosalía de Castro e o Fórum Metropolitano en máxicos espazos de humor e diversión. Poden descargar neste enderezo o dossier de prensa de presentación do ciclo, cuxa cronoloxía de actividades relatamos a seguir:

Do 1 ao 14 de marzo, en horario de mañá e de tarde: Curso de clown e máscara con Paco González (Familie Flöz). No novo local da Asociación Manicómicos, en Andrés Gaos 16, baixo.

Sábado 14: Horario por confirmar. Pasarrúas inaugural do festival dirixido por Paco González. Rúas céntricas da Coruña.

Martes 17: 21:00h. Manicómicos: "Deprimidos ao río". Forum Metropolitano. Entradas 7€ (carné xove, +65 anos e desempregados, 5€).

Mércores 18: 21:00h. Yllana: "Brokers". Teatro Rosalía de Castro. Entradas: 18, 14, 10, 8€ (carné xove, +65 anos e desempregados, -20%).

Xoves 19: 21:00h. Pepe Viyuela: "Encerrona". Teatro Rosalía de Castro. Entradas: 15, 12, 9, 7€ (carné xove, +65 anos e desempregados, -20%).

Venres 20: 21:00h. Varios artistas + Rockers go to Hell: "Gala VII Festival". Presenta Juanillo Esteban e con Rober Bodegas de invitado estrela. Forum Metropolitano. Entradas 7€ (carné xove, +65 anos e desempregados, 5€). E ás 24h: Festa do VII Festival no Pub Atomic (R/Juan Canalejo). Colabora Gadisa.

Sábado 21: 21:00h. Elefante Elegante: "O forno". Forum Metropolitano. Entradas 8€ (carné xove, +65 anos e desempregados, 6€).

Domingo 22: 12:00h. Katarsis: "Pa cama". Forum Metropolitano. Entradas 5€ (abono 3 familia, 12€).

Domingo 22: 19:00h. San&San: "As desventuras de Carmen, Gelines e D. José". Teatro Rosalía de Castro. Entradas 7€ (carné xove, +65 anos e desempregados, 5€).

* Abono festival (supón un desconto do 25% e entrada gratis para "Pa cama"): 46.50, 41.25, 36.00, 33.00€ (segundo localidade)

O tradicional concerto da Banda Municipal os domingos pola mañá ten desta volta un carácter monográfico: o conxunto dirixido por Marcel van Bree dedicará a sesión ao fado portugués e contará coa colaboración excepcional da fadista Ana Lains. A función comezará coma sempre ás 12:15 no Pazo da Ópera, e a entrada é de balde. Ademais, nesa xornada vaise poñer á venta o CD titulado “Retratando... Roxelio Groba” que vén de editar a Concellaría de Cultura con motivo do 60º aniversario da Banda Municipal de Música da Coruña.

Pola tarde ás 19 horas no Teatro Rosalía de Castro celebramos a gala V aniversario de Manicómicos. A entrada individual custa 8 euros, mais existe un abono familiar para tres persoas por 16 euros.