Xoves 6
21:00
Teatro Rosalía de Castro
Entradas: 8, 10, 13, 17 € (carné xove, maiores de 65 anos ou desempregados/as, desconto dun 20%)

"O aroma do espido" é un concerto conmemorativo dos 25 da súa carreira, cos dous instrumentos básicos para a súa música: a guitarra de Raúl Rodríguez e o piano de Jesús Lavilla. Para celebrar os seus 25 anos sobre o escenario deu a luz un disco limpo, sobrio e completo. Dentro do ciclo "MÚSICA CON RAÍCES".

Este xoves 25 de marzo ás 21:00 actuará no Teatro Rosalía de Castro a cantante Carmen París. O concerto forma parte do Ciclo Caixanova Música con raíces. O prezo das entradas oscilas entre os 6 e os 13 euros.

O domingo 7 de marzo a partir das 19 horas o Teatro Rosalía acolle o espectáculo SEREAS, que recolle a creación feminina de sete nomes fundamentais da música galega actual. Con este espectáculo pretenden amosar o inmenso potencial creativo das sucesivas xeracións de cantoras e escritoras que as precederon e que usaron a nosa lingua e expresaron sen complexos os seus sentimentos máis profundos. SEREAS é un punto de encontro, un xeito concreto de achegarnos e de apostar pola creación colectiva, pola comunicación e polo coñecemento entre as mulleres que transitamos pola música deste país.

As SEREAS son:

Uxía. En 2010 cumpre 25 anos de carreira artística que a convirten nunha das voces máis populares e valoradas de Galicia, Portugal e Brasil. As súas cancións teñen sempre a presenza latente ou explícita da música tradicional, cun tratamento anovador e persoal.

Mercedes Peón. Premio Nacional de Música no 2008. Da recolleita e investigación da tradición popular á vangarda da música galega, é unha das artistas galegas máis destacadas dos primeiros anos do século XXI, con recoñecementos a nivel internacional.

Rosa Cedrón. Cantora e intérprete de violoncello, coñecida por ser durante nove anos a voz do grupo Luar na Lubre, co que mantivo unha intensa actividade con numerosos concertos por todo o mundo. No ano 2.005 abandonou o grupo e iniciou a súa carreira en solitario.

Ugía Pedreira. Unha das voces mais transgresoras e eclécticas do panorama musical. Actualmente lidera o grupo Marful e participa no proxecto Nordestin@s, xunto a Guadi Galego e o pianista Abe Rábade. Ademáis, ten colaborado con numerosos artistas en discos e proxectos conxuntos.

Guadi Galego. Acaba de publicar un disco en solitario baixo o título Benzón, onde se recolle o seu proxecto máis íntimo e persoal. Participa nos proxectos Nordestin@s e Espido, xunto a Guillerme Fernández. Durante 10 anos foi a vocalista e gaiteira de Berrogüeto, banda coa que fixo xiras por todo o mundo.

Silvia Penide. Cantautora, solista pop, experimental, sincera, cercana, dóce. Cos seus tres discos editados conquistou un gran número de fans agrupados en torno ao seu foro de internet. Imparable, está xirando continuamente por toda España.

Sonia Lebedinsky. Cantora do grupo Fia na Roca, fundado nos anos 90 e considerado referencia dentro do noso panorama musical. Cun son elegante e uns arranxos sorprendentes, transforma a tradición para construír un dos repertorios máis importantes da música galega.  

Sereas é o primeiro concerto do Ciclo Caixanova "Música con raíces", que proseguerá ao longo dos meses de marzo, abril e maio.

Apúntate no evento en Facebook

O ciclo Música con raíces pecha mañá xoves 28 de maio coa actuación do grupo folk galego Fía na roca, que presentará o seu disco Quince maios, unha celebración dos quince anos de traballo e paixón pola música de raíz que caracterizan a esta banda emblemática. A función comezará ás 21 horas no Teatro Rosalía de Castro e o prezo das entradas é de 6, 7, 9 e 13 € (os usuarios de carné xove, maiores de 65 anos e desmpregados/as teñen un desconto do 20%).

O ciclo Música con raíces, realizado en colaboración coa Fundación Caixanova, trae este venres 13 á Coruña á cantante cubana Omara Portuondo, que presentará o espectáculo Gracias. A función comezará ás 21 horas no Coliseum. O prezo das entradas é de 12 e 18 €.

-Vídeos sobre a gravación do disco Gracias: [1] [2] [3]

Mañá xoves 5 de febreiro comeza o Ciclo Caixanova “Música con raíces” coa actuación da cantante galega Uxía. No espectáculo “Eterno navegar” parte das tradicións e atmosferas do seu lugar de orixe, Galicia, para personalizalas cos sons que as relacionan con países como Portugal, Cabo Verde ou Brasil. A función terá lugar ás 21 horas no Teatro Rosalía de Castro. O prezo das entradas é de 6, 7, 9 e 13 € (carné xove, maiores de 65 anos e desempregados, desconto dun 20%).

Banda formada por:

Uxía Senlle, voz
Paulo Borges, piano e dirección musical
Santi Cribeiro, acordeón
Quiné, batería e percusións
Xacobe Martínez, contrabaixo
Rubén Santos, trombón
Jon Luz, cavaquinho.

A cantante Uxía Senlle e a concelleira María Xosé Bravo durante a presentación do ciclo "Música con raíces"

Uxía. 5 de febreiro. 21 horas. Teatro Rosalía de Castro.

María de Medeiros. 15 de febreiro. 20 horas. Teatro Rosalía de Castro.

Omara Portuondo. 13 de marzo. 21 horas. Coliseum (aforo teatro).

Serrat. 29 de marzo. 20 horas. Palacio da Ópera.

Mariem Hassam. 9 de abril. 21 horas. Teatro Rosalía de Castro.

Mayte Martín. 16 de abril. 21 horas. Teatro Rosalía de Castro.

Ballet Nacional de Cuba. 24 de abril. 21:30. Coliseum (aforo teatro).

Lila Downs. 22 de maio. 21:30. Coliseum (aforo teatro).

Fía na roca. 28 de maio. 21 horas. Teatro Rosalía de Castro.