Do venres 11 ao mércores 30 de novembro
Sala Municipal de Exposicións Palexco
De luns a domingo, de 12:00 h. a 14:00 h. e de 18:00 h. a 21:00 h.
Entrada libre até completar capacidade.

A exposición individual de Álvaro Negro (Lalín, 1973), "Natureza! Estás soa?", supón o último paso na obra dun artista que evoluiu desde un desenvolvemento conceptual da pintura abstracta até investigacións noutros medios como a fotografía, xirando arredor do seu proxecto "Monteagudo", un traballo iniciado hai tres anos e que supón unha reflexión sobre o conxunto escultórico que o alemán Ulrich Rückriem realizou na terra natal do artista lalinense.

Do 8 de agosto ao 4 de setembro.
De luns a domingo, de 12:00 h. a 14:00 h. e de 18:00 h. a 22:00 h.
Palexco
Entrada libre.

Exposicións Superhéroes, comisariada por Jaume Vaquer; Pitufos e "¡Viaje con nosotros!". Máis información aquí.

Xoves 16
Palexco
21:00
Entradas: 25, 30 e 35 euros.

Concerto do bluesman John Mayall, guitarrista, cantante e ocasionalmente teclista.

Facemos público o programa de actividades do Achegarte 2011, que se desenvolverá no Palexco (salvo algunhas actividades que sinalamos máis abaixo) con estes horarios:
Sábado 2 de abril: de 11:30 h. a 14:30 h., e de 16:30 h. a 22:00 h.
Domingo 3 de abril: de 11:30 h. a 14:30 h., e de 16:30 h. a 21:00 h.

En total hai 114 participantes, co seguinte desglose:
- Editoriais: 20.
- Librarías: 9.
- Institucións: 6.
- Asociacións profesionais: 7.
- Entidades culturais: 11.
- Distribuidoras: 8.
- Teatro: 14.
- Danza: 6.
- Audiovisuais: 4.
- Servizos culturais: 5.
- Outros: 6.

O programa completo pódese descargar aquí: Programa Achegarte 2011:

- Música:
* Sábado 2: Rap Regueifa: Noe Orosa, Ninguén Melide e Senlleiro, Marta Quintana, Coral Follas Novas, Manu Clavijo, Xacarandaina, Xoán Curiel, Habelas, Luar na Lubre, Fuco Xabier, Pradairo: "Pateado", Noitarega: "Vinteún", Silvia Penide e Tiruleque.
* Domingo 3: Pablo Díaz e o grupo "Tic-Tac", Pel de noz, Bellón Maceiras (no stand de Abada), A nena e o grilo, Pesdelán: "Na punta do pé", Saltanocribo, Luvas Verdes, Os da Troula e Cignus, Guillerme Fernández e Xabier Díaz: "Arrolos de Salitre", Combo Dinamo, Tonecho Castelos & Pablo Esqueira, Ulträqäns, Maghúa, Tres Azoteas, Doa e Duplo Son.

- Teatro:
* Sábado 2: "Carlota e Marieta van en bicicleta". A Locamotora; Recital de poesía satírica galego-portuguesa por Celso Parada, do Teatro do Morcego; "Tristán". Elefante Elegante; "Pa cama". Katarsis; "Carapuchiña vermella ou o conto do lobo". Danthea Teatro; "Formigas". CasaHamlet e "Cabaret". Manicómicos.
* Domingo 3: "Contos para un caldiño". Baobab Teatro; "Historia dunha semente". Caramuxo Teatro; Cabraret; Viravolta Títeres; "A verdadeira historia dos tres porquiños e o lobo feroz". Teatro do Andamio; "Os Feirantes". Ramiro Neira e "O trolebús de Celso". Gari.

- Danza:
* Sábado 2: "Territorio marcado", por Fran Riveiro, de Danesga e "Rede na rede". Aula de danza da UDC.
* Domingo 3: "IN-NOVA danza". As Dríadas; "Blondy’s coffe", de Danesga e Nova Galega de Danza.

- Maxia:
* Sábado 2: espectáculo de maxia a cargo de Magos profesionais de Galicia. Ademais, actuacións de maxia no seu stand.

- Obradoiros. Para escolares. Podes apuntarte no AcheGARTE ou garantir a túa praza inscribíndote previamente nas Bibliotecas Municipais:
* Sábado 2: "Demostración de pintura en directo". Pedro Bueno; "Obradoiro de pintura (+ 6 anos)". Begoña Tojo; "Obradoiro de escrita creativa e reciclaxe de camisetas"; Obradoiro "Pequenos deseñadores. Moda creativa". Proxecto GV; "Sesión de retrato fotográfico". A. C. Alexandre Bóveda; Concurso "Tinta de Lura: canto sabes de literatura?". (Agasallo de camisetas e libros aos gañadores); "Obradoiro de ilustración". Pablo Otero (Kalandraka); "Obradoiro de títeres e monicreques". Colectivo Bululú; "Obradoiro de formas e cor. Técnica: plantillas con ceras". Escola de Arte e Superior de Deseño Pablo Picasso; "Obradoiro de caligrafía artística". Escola de Arte e Superior de Deseño Pablo Picasso; "Obradoiro de clown". Manicómicos; "Exhibición de pintura dixital". Diego Ogando; "Obradoiro de Ilustración (+ 7 anos)". Carlos Arrojo e "Obradoiro de danza". Compañía Bruma.
* Domingo 3: "Demostración de xadrez", pola A. C. Alexandre Bóveda; "Demostración en directo do acuarelista Manolo Gandullo"; "Obradoiro de pintura (+ 6 anos)". Begoña Tojo; "Obradoiro de baile". Xacarandaina; "Creación de personaxes de banda deseñada". Kiko Dasilva; "Obradoiro de animación á lectura". Reverso; "Obradoiro de baile". Donaire; "Mira e xoga con Luís Seoane. Obradoiro de arte para familias". Crearte; "Obradoiro de baile". Cántigas da Terra; Obradoiro "Sen novas de Gub". Reverso;  e "Obradoiro de barquiños". Músicas de Salitre. Durante todo o día "Obradoiro Infancia creativa" no stand de Reverso, "Obradoiro de videoxogos" diante do stand de Imaxín Software.

- Presentacións:
* Sábado 2: Entrega do premio "Meiga Moira". Baía; Presentación da Normal. Luís Caparrós, vicerreitor da UDC; "Noente Paradise". Ugia Pedreira; Presentación das novidades de Demo Editorial. Manel Cráneo; 25 aniversario de "O misterio das badaladas" de Xabier P. DoCampo. Conversa co autor e co ilustrador (Xosé Cobas), Xerais; Animación "Abrapalabra!", con Antón Cortizas e o mago Carlos Coira. Galaxia; Presentación do Boletín da Real Academia Galega "Xosé María Álvarez Blázquez", con presidente Xosé Luís Méndez Ferrín e o secretario Xosé Luís Axeitos; "Ricardo Carvalho Calero: a ciencia ao servizo da nación", con Pilar García Negro. Laiovento; Presentación de MEUBOOK; Colección de ensaio "Supertextos". 2.0 Editora.
* Domingo 3: "Páxinas de Carricanta". Ana Mª Fernández. Ilustrador D.N.L; Lectura dramatizada de collage, de Esther F. Carrodeguas. Edicións Barbantesa. Con Raquel Nogueira como Alicia e a colaboración especial de Antonio Mourelos como Alberto; "Planeta Mincha". Manel Cráneo; "Divírtete co paxaro Rodribico". Baía; Presentación do programa "E-ducando". AS-PG; Conclusións do foro sobre o estado da cultura. Tati Mancebo; "Antoloxías Poéticas Sonoras". Xosé María Álvarez Cáccamo e Chus Pato. Cumio; "Impresións dunha viaxe por Galicia en 1935", Federica Montseny. Trifolium; presentación de "S8 Mostra de cinema periférico", 2ª edición. Ángel Rueda; presentación de "Señardade da luz: a obra poética de Manuel María", de Miguel Mato.

- Audiovisuais:
* Sábado 2: Programación da Academia Galega do Audiovisual: proxección de curtas de animación finalistas dos Premios Mestre Mateo, "Checkout", de Ficción Producciones e Audiovisual de Servicios Kairos, "Cribba, o vampiro", de Matriuska Producciones e "Gato encerrado", de María Helena Varela Sánchez e Silvina Cornillón; "A escola das areas" de Algarabía Animación e Lúa Films; "A Xaguarana" de Algarabía Animación e Lúa Films; "Alistán, o demo oveiro" de Algarabía Animación e Lúa Films; "O Soldadiño de Chumbo" de Algarabía Animación e Continental Producciones; Curtas de animación de OQO Editora: "Corre corre, cabaciña"; "A princesa do Caurel"; "A bruxa regañadentes"; "Os sete cabritos" e "Un gato na árbore"; Entrega de premios e proxeccións "Curtas para Rosalía". AS-PG.
* Domingo 3: Proxección de "Contra a morte". Documental sobre Lois Pereiro. IBCinema; proxección de curtas de Mr. Misto Films: "Cousiñas", "O castelo da meiga", "A nena que tiña unha soa orella", "Neggy coñece a Sammy", "A flor máis grande do mundo"; "O pintor de ceos"; e pase promocional da película "A casa da Luz" (esta última no Teatro Rosalía [con convite]) e presentación do guión de "O divino ferrete". Reverso.

- Cara a cara. Dous creadores e un xornalista conversan sobre os seus últimos traballos, sobre o proceso e o contexto da creación, os públicos, os medios, ...
* Sábado 2: Daniel Salgado fala con Emilio José e Oliver Laxe.
* Domingo 3: Alberto Ramos fala con Manuel Rivas e Mercedes Peón; Iolanda Casal fala con Uxía e Xurxo Souto.

- Espazos vertebrados. Experiencias e actividades de asociacións e colectivos culturais, organizados e/ou vertebrados nos últimos tempos. Na Sala de Conferencias:
* Sábado 2: Fundación Manuel María; A Central Folque; Musiqueoh!; Milpedras; Teatro Resoante; El Fracaso; Presentación do selo "Pulp Books". Rinoceronte; Presentación da nova colección "Alcaián". Urco; e "Casa de Manuel Antonio en Rianxo". Xosé Luís Axeitos e Grupo Revisión.

- Mesas de debate. Na Sala de Conferencias:
* Sábado 2: Situación do teatro infantil en Galiza.
* Domingo 3: A escrita de guión audiovisual en Galiza.

- Encontros sectoriais. No Kiosko Alfonso:
* Sábado 2: Asociación Galega de Profesionais da Xestión Cultural. Xestión e xestores culturais en Galiza.
* Domingo 3: Federación de Asociacións Galiza Cultura. Encontro Nacional de Asociacións Culturais.

- Chat ao vivo. Sala de audiovisuais:
* Sábado 2: Ataque Escampe.
* Domingo 3: Manolo González; Lino Braxe.

- Lecturas compartidas:
Diversos autores lerán o sábado e o domingo, de 17:00 a 21:00 no stand da Asociación de Escritoras e Escritores en Lingua Galega.

O sábado 2 e o domingo 3 de abril celebrarase ACHEGARTE 2011 no Palexco.

- ACHEGARTE 2011 para gozar coa cultura que facemos: contemporánea, moderna, atractiva, chea de vitalidade, que nos fai sentir que somos unha potencia, que somos un país con moito talento. Será unha festa coral feita co entusiasmo e o traballo de moitas persoas, compañías, grupos...
- ACHEGARTE 2011 será o espazo para mimar a cultura galega, para visibilizala, para gozar das súas variadas manifestacións.
- ACHEGARTE 2011 é sobre todo un espazo aberto a todo público -aínda que preferentemente a público familiar- para dar a coñecer a cultura que facemos no noso país en todos os ámbitos: a literatura, a música galega nos seus distintos estilos, a danza, o teatro, a ilustración, a maxia, o audiovisual ou as novas tecnoloxías.

As liñas estratéxicas marcadas son:
• Maior protagonismo ao ámbito da creación e dos creadores.
• Incorporación da cultura de base, a cultura amadora e a sociocultura.
• Contribución á difusión e visibilidade dos produtos culturais galegos.
• Procura da conexión cos cidadáns e públicos.

Para desenvolvelas levaranse a cabo tres ámbitos de actuación: CREADORES, CULTURA DE BASE e CIDADANÍA, coas seguintes liñas de traballo:
• DIFUNDIR produtos culturais, dar a coñecer ideas, iniciativas e proxectos de interese, axudar a visibilizar os nosos creadores.
• CONECTAR experiencias, interrelacionar artistas e proxectos, relacionar creadores e públicos.
• DEBATER sobre a realidade actual e os camiños de futuro da cultura galega, obter conclusións dos debates e poñelas de manifesto.

Deixamos xa a disposición de todas e todos o dossier de ACHEGARTE 2011: Achegarte 2011.

Do xoves 24 de febreiro ao domingo 27 de marzo
Sala Municipal de Exposicións do Palexco
De luns a domingo: de 12:00 a 14:00 e de 18:00 a 21:00
Entrada libre até completar capacidade.

O xoves 24 de febreiro, ás 20:30 horas, inaugúrase a exposición "A granxa agrícola experimental de Galicia (1888-1964)", promovida polos Museos Científicos Coruñeses como un recoñecemento a aquela institución pioneira. Creada en 1888 nas aforas da cidade da Coruña, a Granxa agrícola Experimental foi o primeiro centro de experimentación e difusión de novas técnicas agrícolas creado en Galicia e Asturias. A súa actividade continuou en Monelos ata 1964 e na actualidade esas tarefas desenvólvense no Centro de Investigacións Agrarias de Mabegondo. A aplicación da ciencia ao labor agrícola permitiu importantes logros: a creación da raza rubia galega, a actividade da Estación de Fitopatoloxía, o cultivo do lúpulo, a formación de persoal e a difusión de novidades. Asemade, a Granxa formou parte da cidade da Coruña, dos seus espazos e da vida social, con iniciativas tan singulares como a "festa da árbore". Máis información neste arquivo .pdf: A Granxa Agricola Experimental de Galicia.

Sábado 19
Sala de Exposicións de Palexco
Horario: de 11:00 a 14:00 e de 17:00 a 21:00
Entrada: libre até completar capacidade.

O "Espazo Solidario: II Encontro de Entidades de Acción Voluntaria", organizado pola Concellaría de Mocidade, Solidariedade e Normalización Lingüística, ofrece un amplo abano de espectáculos en vivo, degustacións, comercio xusto, artesanías, obradoiros, formación, sorteos. O programa completo pódese descargar aquí.

Do venres 7 de xaneiro ao domingo 6 de febreiro
Sala Municipal de Exposicións do Palexco
De luns a domingo: de 12:00 a 14:00 h. e de 18:00 a 21:00 h.
Entrada libre até completar capacidade.

A Concellaría de Deportes patrocina a exposición "Luís Suárez, fútbol de seda", que fai un repaso pola traxectoria do mítico futbolista coruñés, gañador do Balón de Ouro. A inauguración terá lugar o venres 7 de xaneiro ás 20:30 h.

Do mércores 15 ao domingo 19
Sala Municipal de Exposicións de Palexco
De 11:00 a 14:00 e de 17:00 a 21:30, todos os días
Entrada libre.

Organizado pola Asociación Galega de Anticuarios, este ano como novidade, a mostra acollerá un "Espazo Xuvenil", sección no que os máis novos poderán descubrir e adquirir obras de grande interese e beleza a un prezo asumible. Este espazo incluirá pezas seleccionadas polos expositores do Salón co fin de poñer de manifesto que o gusto polas antigüidades non implica necesariamente prezos desorbitados. Con esta aposta, o certame busca fomentar o coleccionismo na xente nova e achegar as artes decorativas a todo tipo de público. En liñas xerais, a oferta clave do certame, no campo da decoración, céntrase no mobiliario en toda a súa riqueza e diversidade histórica. Dende o moble clásico español (S. XVII e posteriores) ata pezas que conseguiron perdurar no tempo e converterse en iconas do deseño como o moble francés, inglés, sueco do século XVIII. A isto súmase mobiliario do XIX xunto con pezas Art Nouveau e Art Deco. No capítulo das artes decorativas, o visitante poderá atopar unha ampla variedade de pezas de todas as técnicas, dende bronces ata cerámicas Sargadelos, compañía de indias; pasando por obxectos de pratería, luxosas vaixelas, cristalerías, esmaltes, e porcelanas de gran valor histórico e artístico. Ademais, a mostra presentará unha gran diversidade de elementos que poden incorporarse en proxectos decorativos, clásicos ou modernos, como columnas, chemineas, fontes ou accesorios como candelabros, lámpadas, marcos ou espellos que poderán atoparse nas diferentes casetas. Tamén se poden adquirir exquisitas xoias, reloxos e a máis ampla variedade de utensilios náuticos do últimos tres séculos.

Do sábado 2 de outubro ao domingo 7 de novembro
Sala Municipal de Exposicións do Palexco
De luns a domingo: de 12:00 a 14:00 e de 18:00 a 21:00 h.
Entrada libre até completar capacidade.

Neste espazo poderanse visitar as seguintes exposicións:
- Fruela Alonso (Lloro, Asturias, 1974). Vive e traballa en Pontevedra. Pintura. Momentos e fragmentos da paisaxe capturada polo ollo inquedo, e as vistas aéreas de cidades en grandes e pequenos formatos, que evidencian a ollada dun pintor na procura de imaxes ate esgotar tentativas para ubicarse no visual e no mental. A súa obstinación nas diferentes series, convida ao feito de ollar como un anxo, entre nubes e alturas, atravesar o aire ate agotar un lugar na memoria ou mesmo reinventalo.
- Christian García Bello (A Coruña, 1986). Vive e traballa entre A Coruña e Pontevedra. En soportes sobre parede ás súas obras son transferencias, fotografías, serigrafías e debuxos ao redor da idea da terra de ninguén, dun non-lugar entre poéticas de paseante ilustrado, urbanismos e arquitecturas, as utopías dos lugares nunca visitados, a forza da natureza selvaxe por riba da domesticación humana e urbana. Derivas situacionistas na procura dunha entropía que atopará máis adiante
- Sofía Grandío (Vilalba, Lugo, 1986). Vive e traballa entre Vilalba (Lugo) e Bilbao. "Acción en 3 partes" (2009), proxección de vídeo (15 min. en bucle), nunha sala pechada e acondicionada dentro do Palexco, amósanos a imaxe da propia artista, progresivamente, encintando de negro o seu corpo, embarrándoo, e retirando a cinta ate deixar un labirinto de pegadas brancas sobre o pel. Unha dobre lectura que combina conceptualmente os principios do positivo-negativo do gravado, pero que, máis alá, con forza visual, tensiona a reflexión sobre a violencia corporal, e en particular a exercida sobre as mulleres.
- Borxa Guerrero (Feás, Cariño, A Coruña, 1983). Vive e traballa en Pontevedra. "Cosmogonías" (2008) tamén nos amosa outra maneira de alterar espazos cunha montaxe de caixas de luz que superpoñen interiormente acuarelas de perfís montañosos e liñas orográficas, cotas e códigos, transparencias encadradas na construción dunhas Cosmogonías metade ficción, metade realidade
- Holga Méndez (Pontevedra, 1971). Vive e traballa en Teruel. "Velocidad + Sentimiento = Luz" (2010) combina dúas proxeccións de diapositivas de mica cunha paisaxe sonora de 60 minutos, para crear un espazo de tránsito ou quietude, aberto ás reaccións emocionais do espectador, dun xeito máis ambiental, leve pero intenso, orgánico, mesmo mineral.
- Andrés Pinal (Vigo, 1969). Vive e traballa entre Vigo e Pontevedra. Fotografía. Serie Faros. 28 Fotos de 130x130 cm c/u con vinilos con mapa do litoral de Galicia e a liña de costa para ubicación xeográfica dos faros e as súas alturas. Todo un perfil metafórico de entradas e saídas dunha terra que mira ao mar.
- Pisando Ovos. Compañía de Danza Contemporánea. Rut Balbis (Ourense, 1979). Vive e traballa en Oleiros. Peza de danza contemporánea, “MENOS 1”, para o Sábado 2 Outubro, día da inauguración, no interior da Sala de Exposicións do Palexco. (Duración aprox. 15-20 min.)
- Mar Vicente (Lugo, 1979). Vive e traballa en Wolfsberg, Graz, Austria. Pintura, obxeto, instalación. Estructuras cromáticas de cores primarias e secundarias, xogos de complementarios, con branco. Un xeito subtil de alterar unha aparente orde xeométrica.

Do 9 ao 22 de agosto
De luns a domingo: de 12:00 a 14:00 e de 18:00 a 21:00 (até as 22:00 horas do 9 ao 15 de agosto)
Palexco
Entrada libre.

Exposicións de David McKean, “Clásicos de prensa” e “Esqueletes”. Máis información aquí.

Atapuerca e a evolución humana, que reúne as reconstrucións das pezas máis importantes achadas na Gran Dolina e na Sima dos Ósos, poderá visitarse do 26 de febreiro ao 25 de abril na Sala Municipal de Exposicións en Palexco e servirá para dar a coñecer os depósitos burgaleses da Serra de Atapuerca en toda España como paso previo e preparación á apertura en 2010 do Museo da Evolución Humana de Burgos. Este Museo está presente na exposición a través dun espazo específico no que se detallan as súas instalacións e os contidos que albergará. A exposición está dirixida por Juan Luis Arsuaga, co-director do Equipo de investigacións de Atapuerca, e virá apoiada por actividades complementarias como conferencias e proxección de documentais que abordan distintos aspectos relativos á evolución humana e á relevancia científica dos Depósitos de Atapuerca. Haberá visitas guiadas para grupos escolares, previa inscrición no teléfono 981 18 98 40, e conferencias no Salón de Actos da Domus, de acordo ao seguinte programa:

26/02/10 ás 20h: Darwin e a evolución humana, a cargo do Profesor Juan Luis Arsuaga
11/03/10 ás 20h: A paisaxe de Atapuerca ao microscopio a cargo da Doctora Gloria Cuenca Bescós.
15/04/10 ás 20h: CSI Atapuerca a cargo da Doctora Ana Gracia Téllez.

A mostra inclúe ademáis unha serie de obradoiros para escolares que serán impartidos por miembros vinculados aos equipos de Atapuerca, destinados a estudantes entre 8 e 12 anos. Para participar é preciso inscribirse previamente no teléfono 981 18 98 40:

13, 27 de marzo e10 de abril de 2010, de 12 a 13’30h: Detectives do Pasado (Obradoiro de Arqueoloxía).
13, 27 de marzo e 10 de abril de 2010, de 18 a 19’30h: Coñeceremos os vertebrados (Obradoiro de Paleontoloxía)
14, 28 de marzo e 11 de abril de 2010, de 12 a 13’30h: ¿Queres coñecer qué pintaban os nosos antepasados e por qué o facían? (Obradoiro de Arte prehistórico)

Descargar dossier informativo (PDF, 888 KB)

A exposición Galicia 25. Unha cultura para un novo século inaugurouse onte xoves 3 de decembro, ás 19.00 horas, na Sala de Exposicións Municipal do Palexco. A mostra, realizada en colaboración con Caixanova, formou parte do programa de actos organizado polo Consello da Cultura Galega para conmemorar os seus primeiros 25 anos (1983-2008). Esta exposición remata na Coruña a súa itinerancia polas sete cidades galegas.

Estruturada arredor das denominacións “formas e espazos”, “palabras, imaxes e sons” e “fíos e desafíos”, a mostra abrangue arquitectura e identidade, cultura ambiental, espazos da comunicación, deseño e industria, historias debuxadas, o valor do patrimonio, a creación, a sociedade do coñecemento, os sons do lugar, o territorio luminoso das palabras, a festa dos mais novos, o libro, imaxes e ficcións, artes escénicas e as diferentes posibilidades e presenzas de Galicia no mundo por todos os camiños ou navegando outros mares.

A mostra, conformada por 25 módulos ou unidades temáticas, “non é un inventario, senón mais ben unha mensaxe de futuro e unha expresión da pluralidade e do policentrismo da cultura galega”, afirma Ramón Villares, presidente do CCG, que tamén salienta o que cualifica como “excepcional exemplo de cooperación por parte da iniciativa privada e das institucións públicas”. Unha idea do CCG acollida e apoiada por Caixanova que contou tamén coas contribucións da Presidencia da Xunta de Galicia e da Consellería de Cultura da Xunta de Galicia. Villares destaca a importancia e a significación da cultura “como elemento substancial da identidade do país e compoñente decisivo na configuración da Galicia da Autonomía”.

Onte inaugurouse a exposición Sabor e arte, que reúne 74 obras de 50 artistas galegos e portugueses da arte contemporánea dos últimos dezaseis anos. A exposición enmárcase dentro das actividades de celebración do 50 aniversario de Coca-Cola en Galicia.

Sabor e Arte estará na Coruña dende hoxe ata o 2 de agosto no Kiosco Alfonso e o Palexco. A mostra reúne obras de todos os ámbitos artísticos contemporáneos como a pintura, escultura, o debuxo e o vídeo. Comparten espazo por primeira vez artistas galegos e lusos da talla de Xurxo Lobato, Santiago Maio, Ignacio Basallo, Salvador Cidrás ou Vicente Blanco, cuxa obra forma parte da Colección de Arte Contemporáneo da Fundación Coca-Cola, unha colección que acolle a máis de 300 artistas de todas as disciplinas o que fai dela unha excelente mostra da historia recente da arte española e portuguesa.

A exposición Sabor e Arte fai un percorrido pola plurarildade do arte español e portugués das últimas décadas, a través de suxerentes diálogos que xeneran un novo xeito de ver e apreciar o arte contemporáneo. A exposición de fotografía, escultura e vídeo estará ubicada no Kiosco Alfonso, mentres que o Palexco acollerá as pezas de pintura e debuxo.

A exposición A Escola da Haia. Obras mestras do Rijksmuseum pecha as súas portas no Palexco a semana que vén, o domingo 21 de xuño, despois de acadar un enorme éxito de público: máis de trinta e cinco mil visitantes desde que abriu as portas o pasado 23 de abril. A mostra está formada por 58 óleos e 16 acuarelas, e ofrécenos obras de artistas coma Anton Mauve ou Gabriëls, que exerceron unha gran influencia sobre Van Gogh e Piet Mondrian.

Nestes últimos dez días da exposición reforzaranse as visitas guiadas: de luns a venres haberá dúas, unha ás 18:30 e outra ás 20:00; e os sábados e domingos tres, ás 13:00, ás 18:30 e ás 20:00. O horario de visita é de luns a domingo de 12:00 a 14:00 e de 18:00 a 21:00.