Sábado 13
Domus (rúa Santa Teresa, 1).
20:00
Entrada libre até completar capacidade.

Dentro das actividades dos Museos Científicos Coruñeses con motivo da Semana da Ciencia, terán lugar dúas presentacións:
- Ás 11:30 horas o documental "En busca do mexillón de río", premio Prisma ao mellor traballo multimedia 2010. Lugar: sala Leonardo da Vinci.
- E ás 12:00 horas a do libro "Vivir dos vidas: un viaje por la metamorfosis de los insectos", de Xavier Bellés, Prisma ao mellor texto inédito 2009, editado en colaboración con La Voz de Galicia.

Venres 12
Domus (rúa Santa Teresa, 1).
20:00
Entrada libre até completar capacidade.

Dentro das actividades dos Museos Científicos Coruñeses con motivo da Semana da Ciencia, e englobada ademáis na celebración da entrega dos Prismas Casa das Ciencias á Divulgación, celébrase unha mesa redonda sobre "A ciencia na prensa escrita", na que se debatirá sobre algúns retos que se presentan no xornalismo científico nos medios impresos., e que contará coa participación de:
- Patricia Fernández de Lis, redactora xefe da sección de ciencia do diario Público, galardoado co Prisma Especial do Xurado 2010.
- Elena Sanz, xornalista científica especializada en contidos dixitais, multimedia, gañadora do Prisma Casa das Ciencias 2010 por un artigo publicado no suplemento Tercer Milenio do Heraldo de Aragón, e
- Raúl Romar, xornalista especializado en medioambiente, ciencia e investigación de La Voz de Galicia.

Lembramos que os Museos Científicos Coruñeses continuarán con xornadas de acceso gratuíto ata o domingo 14, nas que os visitantes poden coñecer estes días as exposicións e actividades dos tres museos de maneira gratuita. Na Domus proxectáse unha nova película en 3D, SOS Planet, un documental de animación que invita a explorar a situación medioambiental do noso fráxil planeta. Hai sesións ás 18 horas de luns a venres, e os sábados, domingos, festivos ás 12 e 17 horas (versión en galego), ás 13 e 18 horas (versión en castelán). No Aquarium pódese asistir a unha sesión da Charca das Caricias, na que a diario se ofrecen obradoiros de bioloxía mariña para coñecer en vivo e en directo aos inquilinos do Aquarium Finisterrae: "Tiburóns en familia", ás 13:00 e 18:00 horas e "Proxecto Santiaguiño" ás 11:00 e 16:00 horas. Entre as propostas da Casa das Ciencias están a nova exposición de ilustracións de natureza, "Unha ollada natural", ou as sesións de planetario que se ofertan o sábado e o domingo: ás 12:00 horas "A noite do Vampiro" (galego), ás 13:00 horas "Evolución" (castelán), ás 17:00 horas a sesión infantil "El mundo de Fugaz" (castelán), e ás 18:00 horas "Evolución" (galego).

Desde o luns 8
Domus (Rúa Santa Teresa, 1)
De luns a venres: 18:00 h.
Sábados, domingos e festivos:
12:00 e 17:00 h. versión en galego.
13:00 e 18:00 h. versión en castelán.
Entradas: 4 euros (2 euros para menores de 14, maiores de 65, Carné Xove e Tarxeta Vinte).
Do 8 ao 14 de novembro, por celebrarse a Semana da Ciencia, a entrada é gratuíta.

Desde as profundidades do océano ao frío glacial do Ártico e a espesura da xungla de Borneo, "SOS Planet" convida a explorar a situación medioambiental do noso fráxil planeta. E para iso propón tres temas de actualidade: o quecemento global, a destrución dos hábitats oceánicos e a deforestación. Producida en asociación co WWF (World Wildlife Fund), a película leva á audiencia ao corazón dos lugares do planeta que se enfrontan a estes retos medioambientais, nunha experiencia inmersiva da man da tecnoloxía 3D e as realísticas animacións de animais xeradas por ordenador. Entre os protagonistas desta película, que serven de fío condutor da historia, están as tartarugas mariñas, das que seis de sete especies existentes están en perigo; o orangután das selvas de Borneo e Sumatra, cuxas poboacións decreceron un 90% nos últimos cen anos; o oso polar, unha especie catalogada como vulnerable; ou as serpes, réptiles que viven nunha ampla variedade de hábitats, desde as copas das árbores ás profundidade dos océanos. Trátase en definitiva de promover a mensaxe de que é necesario preservar a abundancia e a diversidade da vida na Terra, e que está nas nosas mans. Con motivo do Ano Internacional da Biodiversidade.