Sábado 7
Teatro Rosalía de Castro
19:00
Entradas: 5 euros (abono familiar de 3 entradas por 12 euros).

Remata o Ciclo Todo Público 2010-2011 coa obra "Cuentos del mundo. Historia de un hombre feliz", creación musical de Aram Khachaturian, Komidas e Ara Malikian, espectáculo dirixido a un público maior de 6 anos, cunha duración aproximada de 50 minutos. É un conto armenio que sucede nun lugar antigo e sabio, onde o máis importante a diario é buscar a felicidade aínda que non se teña nada. Con Ara Malikian (violín), Humberto Armas (viola), Luís Galo (guitarra) e Nacho Ros (contrabaixo); e narración, dramaturxia e dirección escénica a cargo de Marisol Rozo.

Sábado 26
Fórum Metropolitano
19:00
Entradas: 5 euros (abono familiar de 3 entradas por 12 euros).

Prosegue o Ciclo Todo Público 2010-2011 coa obra "Malas palabras", de Katarsis Teatro, compañía galega, espectáculo dirixido a un público maior de 6 anos, cunha duración aproximada de 55 minutos. Esta é a historia de Flor, unha escritora que dende o seu espazo de traballo na súa casa, cóntanos como descrubriu o segredo mellor gardado dos seus pais, a súa adopción. Desde unha mesa de escritorio, os obxectos cotiáns cobran vida para lle axudar a Flor a contar a súa historia. Con Estíbaliz Veiga, baixo a dirección de Kevin Stewart.

Sábado 19
Fórum Metropolitano
19:00
Entradas: 5 euros (abono familiar de 3 entradas por 12 euros).

Prosegue o Ciclo Todo Público 2010-2011 coa obra "Rosalía, a pulga que escribía", da Compañía Galitoon, dirixida a un público maior de 4 anos, cunha duración de 50 minutos. A pulga Rosalía escribe unha carta cada día. Métea nun sobre, ponlle un selo e mándaa por correo. Bruno, o canguro, un carteiro moi especial, encárgase en persoa de levala ao seu destinatario, e de lela... Manipulación: Raquel Queizas e Óscar Ferreira. Dirección: Santiago Alonso, Andrea Bayer e Luis Miguel Rodríguez.

Sábado 12
Fórum Metropolitano
19:00
Entradas: 5 euros (abono familiar de 3 entradas por 12 euros).

Prosegue o Ciclo Todo Público 2010-2011 coa obra "Josefina", de Teloncillo Teatro, compañía de Castela e León, espectáculo dirixido a un público maior de 7 anos, cunha duración de 55 minutos. Esta é unha historia que comeza cando Josefina estaba na barriga da súa nai, chea de relacións, relacións que marcan, relacións que ensinan, relacións que doen, relacións que nos fan crecer. Josefina vive cos seus pais e o seu avó, un home cego e sabio que lle regala refráns. Eses refráns marcarán o rumbo da súa vida.

Sábado 29
Fórum Metropolitano
19:00
Entradas: 5 euros (abono familiar de 3 entradas por 12 euros).

Prosegue o Ciclo Todo Público 2010-2011 coa obra "Grillos y luciérnagas", da Compañía La Machina (Cantabria), dirixida a un público maior de 5 anos, cunha duración aproximada de 45 minutos. ¿Que pasa cando esperta a noite? Cambia a luz, cambian as cores, pero o mundo non desaparece. Hai outras luces e outros sons, que non se encontran polo día, e os soños, que nos envolven cando durmimos. Un mundo fantástico de verdade e misterio. "Grillos y Luciérnagas" fai referencia ás luces e os sons da noite e o debuxo teatral, un xogo poético entre unha muller e un home, que está dedicado aos máis pequenos, ao seu asombro. Con Patricia Cercas e Luis Oyarbide, baixo a dirección de Valeria Frabetti.

Sábado 27
Fórum Metropolitano
19:00
Entradas: 5 euros (abono familiar de 3 entradas por 12 euros).

Prosegue o Ciclo Todo Público 2010-2011 coa obra "La casa del abuelo", da compañía La Rous (Andalucía). Dirixida por Mauricio Zabaleta e Rosa Díaz, está dirixida a un público maior de 5 anos, cunha duración aproximada de 45 minutos. Din que os que se van sobreviven grazas ao recordo de quen os amou. Esta é a razón de ser deste fermoso espectáculo que recibiu o premio "Feira Europea de Teatro para Nenos e Nenas", Feten 2009.

Sábado 20
Fórum Metropolitano
19:00
Entradas: 5 euros (abono familiar de 3 entradas por 12 euros).

Prosegue o Ciclo Todo Público 2010-2011 con "A doncela da lúa", da compañía finlandesa Auraco. A última hora da tarde, cando a xente foi xa durmir, a marabillosa lúa levántase ata o ceo escuro e é cando esperta "A doncela da lúa". Mira as aves durmidas e ve como os ratiños se arrastran cara aos seus tobos. Agora é o momento en que a Doncela da lúa prepara as súas tarefas nocturnas: a luz das estrelas, ver e cubrir a noite coa sombra dos segredos. Un espectáculo visual sen palabras, sobre unha muller divertida e diferente que combina diferentes formas de arte sempre aderezadas cun toque de humor. A obra está dirixida a un público maior de 4 anos, cunha duración aproximada de 40 minutos.

Sábado 13
Fórum Metropolitano
19:00
Entradas: 5 euros (abono familiar de 3 entradas por 12 euros).

Iníciase con esta obra o Ciclo Todo Público 2010-2011: "Cando era pequeno tiña moitos xoguetes, pero non estaba contento. Cada día transformábaos, engadindo fíos, ramas..." "Máis tarde xoguei con xoguetes máis grandes e máis complicados, cheos de mecanismos..." Estas palabras de Alexander Calder, famoso polas súas esculturas móbiles, son o punto de partida do espectáculo, no que tratamos de imaxinar o taller dun escultor un tanto estrambótico. As súas historias e xogos lévannos a un mundo fantástico no que constrúe diante de nós. Espectáculo da compañía italiana La Baracca, dirixido a un público maior de 4 anos.

O ciclo das artes escénicas para todas as idades Todo Público presenta na súa tempada 2010 / 2011 un total de 9 espectáculos. Trátase dunha coidada e exquisita selección de espectáculos nacionais e internacionas que non so responden a uns baremos de gran calidade senón tamén de diversidade tanto nas súas propostas artísticas como de procedencia. A proposta artística ofrece unha interesante mestura de diferentes expresións artísticas (teatro, monicreques, música, etc.) e tendencias no mundo do teatro para nenos e nenas no que prima a clave poética e a imaxinación da man das mellores e máis prestixiosas compañías de teatro para nenos e nenas. A diferente orixe dos espectáculos, Finlandia, Italia, Cantabria, Castela e León e Andalucía así como Galicia, pretende á súa vez ser un escaparate do que se está a facer neste ámbito nos diferentes lugares.
O ciclo Todo Público combina como todos os anos funcións para escolares (infantil e primaria), ao longo da semana, e funcións familiares os sábados. As estimacións contan con máis de 15.000 espectadores. Tomarán parte na proposta escolar un total de 52 centros escolares da cidade e da súa comarca con case 13.000 nenos e nenas.
A maior parte do ciclo ten lugar no Forum Metropolitano, levando ao Teatro Rosalía só aqueles espectáculos que polas súas necesidades técnicas ou artísticas requiran dun espazo maior.
Os espectáculos previstos son:
- 13/11/2010. 19:00 h. "Inventos de Calder el ingeniero". La Baracca, Italia. Fórum Metropolitano. Público: +4 anos. Duración: 50 minutos.
- 20/11/2010. 19:00 h. "La doncella de la luna". Auraco, Finlandia. Fórum Metropolitano. Público: + 4 anos. Duración: 40 minutos.
- 27/11/2010. 19:00 h. "La casa del abuelo". La Rous, Andalucía. Fórum Metropolitano. Público: + 5 anos. Duración: 45 minutos.
- 04/12/2010. 19:00 h. "Saltimbanquis". Teatro do Morcego, Galicia. Teatro Rosalía. Público: +5 anos. Duración: 60 minutos.
- 29/01/2011. 19:00 h. "Grillos y luciérnagas". La Machina. Cantabria. Fórum Metropolitano. Público: + 4 anos. Duración: 45 minutos.
- 12/02/2010. 19:00 h. "Josefina". Teloncillo Teatro, Castela e León. Fórum Metropolitano. Público: +7 anos. Duración: 55 minutos.
- 19/02/2011. 19:00 h. "Rosalía a pulga que escribía". Galitoon, Galicia. Fórum Metropolitano. Público: +4 anos. Duración: 50 minutos.
- 26/03/2011. 19:00 h. "Malas palabras". Katarsis, Galicia. Fórum Metropolitano. Público: + 7 anos. Duración: 55 minutos.
- 07/05/2011. 19:00 h. "Cuentos del mundo". Ara Malikian, Armenia. Teatro Rosalía. Público: + 7 anos. Duración: 50 minutos.

As entradas para todos os espectáculos son de 5 euros, cun abono familiar de 3 entradas por 12 euros (como mínimo un adulto e un menor).

O Forum Metropolitano acollerá mañá venres a representación da obra Cósima de Sarabela Teatro dentro do ciclo Todo público. Contará coa interpretación de Fernando Dacosta, Elena Seijo, Sabela Gago e Tito Asorey baixo a dirección de Anxeles Cuña Bóveda.

Cósima marcha a vivir a unha árbore fuxindo dun pai autoritario e distante. No seu refuxio, a nena segue comunicándose coa súa nai, a pesar da oposición do pai, grazas a unha linguaxe de signos que inventan entre elas. Cósima é un fermoso canto á liberdade de expresión, a saber escoitar, a sentirnos libres para tomar as nosas decisións e a reivindicar o noso espazo e o noso berro.

A cita será o venres 19 ás 19.00 horas no Forum Metropolitano. A entrada costará 5 euros (abono 3 familiar, 12 euros).

Descargar dossier: PDF, 1,3 MB

O vindeiro sábado 13 de febreiro ás 19:00 será presentado no Fórum Metropolitano o conto La cerillera. A empresa de recoñecido prestixio en Arxentina Omar Álvarez Títeres leva a escena unha das historias máis complexas e controvertidas escritas polo autor dinamarqués Hans C. Andersen. O espectáculo ofrécelle ao espectador unha historia que vai sendo tecida sen palabras, a través da acción implícita recreada coma un xogo para así contar unha historia difícil, complexa, moi actual, coidadosamente recreada e con moita atención polo detalle, apelando ao lirismo e a poética da imaxe.

A obra está recomendada para maiores de 6 anos. O prezo das entradas é de 5 euros, e existe un abono familiar para tres persoas polo prezo de 12 euros.

Mañá sábado 5 no Teatro Rosalía de Castro celébrase unha nova edición dos Concertos en familia, desta volta baixo o título El ritmo de la calle, co Grupo Attacca. Organiza a Orquesta Sinfónica de Galicia. A sesión comezará ás 12:00 e a entrada custa 2 € (os nenos até 12 anos non pagan entrada).

Pola tarde, no Forum Metropolitano, prosegue o ciclo Todo Público co espectáculo Babiliglub da Compañía Galitoon, dirixida por Andrea Bayer e Santiago Alonso. A obra está orientada a nenos e nenas maiores de tres anos. A función comeza ás 19 horas e o prezo das entradas é de 5 € (12 € o abono familiar válido para tres persoas)

Mañá sábado, día 28, o ciclo Todo Público trae ao Fórum Metropolitano unha montaxe da compañía vasca Marie de Jongh, que acadou o premio ao mellor espectáculo na Feira Europea de Teatro para Nenos e Nenas celebrado en Xixón en 2008 e que supón un referente en espectáculos para a infancia.

¿Por qué lloras, Marie? é un espectáculo sen palabras, de intenso clima emocional, magníficamente matizado por oportunos toques de humor e de gran tenrura no que se plantexa que os nenos tamén son suxeitos con problemas; neste caso trátase dunha nena conflitiva nunha gardaría. A función do día 28 dará comezo ás 19 horas; as entradas son a 5 € e existe un abono familiar para tres persoas ao prezo de 12 €.

Para pechar oito meses de programación para público familiar e escolare, o Fórum Metropolitano presenta hoxe domingo día 3 de maio á compañía italiana Il Baule Volante que representa en castelán La Bella y la Bestia. O conto clásico, presente desde Apuleyo aos irmáns Grimm, será narrado por un actor, Andrea Lugli, nun escenario espido no que a palabra se alterna coa expresión corpórea, a música e a danza protagonizada por Liliana Letterese para salientar a dimensión mitolóxica dos feitos baixo o enderezo de Roberto Angli. É a historia da "estraña parella": unha doce rapariga sacrificada polo pai a un monstro que se revela capaz de amar.

Con La bella y la bestia, Il Baule Volante prosegue un traballo de investigación sobre o tema da diversidade. A través dunha trama engaiolante como a deste conto clásico intentan falar dalgúns aspectos deste tema cando menos actual, e en particular, neste caso, dese "diferente" que está no noso interior.

La Bella y la Bestia chega ao Fórum Metropolitano despois de ter participado no Festival Teatralia de Madrid. É un espectáculo pensando para un público de máis de seis anos. A representación está prevista para as 17.30 h e o despacho de billetes abrirá unha hora antes.