Mércores 7
Teatro Rosalía de Castro
20:30
Entrada libre até completar capacidade.

"Homenaxe a Manuel María", no sétimo cabodano do seu falecemento, coa estrea do audiovisual "De amor e cantería", de Pixel Films, dirixido por Anxa G. Refoxo e realizado por Mikel Fontes, traballo de 10 minutos de duración que recrea os poemas de "Sonetos á casa de Hortas" nos que o autor chairego expresa a significación que para el tivo a súa casa natal en Outeiro de Rei. Posteriormente terá lugar a actuación musical de Xabier Díaz e Guillerme Fernández, no que estrearán cinco pezas sobre poemas de Manuel María e outras gravadas en traballos anteriores.

Sábado 19
FNAC (Mercado Eusebio da Guarda – Praza de Lugo, s/n.)
19:30
Entrada: libre até completar aforo.

Actuación en directo de Xabier Díaz e Guillerme Fernández.

Sábado 5
Biblioteca do Fórum Metropolitano
12:00
Entrada só para familias con bebés.

Concerto presentación de "Arrolos de salitre", con Xabier Díaz e Guillerme Fernández, dentro das actividades de "Biblioteca do Fórum: estamos de volta".

Mércores 5 e venres 7 de xaneiro
Planetario da Casa das Ciencias
Dous pases: ás 20:00 e ás 20:45 h. cada día
Entradas: 5 euros (á venda nas oficinas do IMCE na praza de Ourense, abertas en horario de 9:30 a 13:00 e de 16:30 a 19:30 horas, así como no teléfono 902-504500 begin_of_the_skype_highlighting              902-504500      end_of_the_skype_highlighting, e en Servinova). ESGOTADAS XA AS ENTRADAS PARA O DÍA 7.

O Planetario da Casa das Ciencias acolle unha nova edición dos concertos "Música baixo as estrelas", onde os artistas Xabier Díaz, Guadi Galego e Guillerme Fernández interpretarán pezas musicais acompañadas de imaxes dixitais proxectadas na cúpula do Planetario. Nos mismos días dos concertos, se non se completase aforo (79 prazas) poderán comprarse tamén na recepción da Casa das Ciencias.

Domingo 26
Teatro Rosalía de Castro
19:30
Entradas: 5 e 7 euros (3 e 5 euros para desempregados, carné xove e maiores de 65 anos).

Con esta gala festexarase por todo o alto o nacemento hai dez anos da Asociación Cultural Donaire. Con moitas sorpresas, esta gala amosará o traballo desenvolto ao longo destes dez anos de vida da Asociación, coa súa parte de música, pandeireta e como non, de baile. Será presentada por Xabier Díaz.

Organizados pola Asociación de Escritores en Lingua Galega, os encontros Galeusca chegan á súa XXVII edición, congregando na cidade da Coruña, entre os días 29, 30 e 31 de outubro,  a escritores e escritoras da AELG, da Euskal Idazleen Elkartea e da Associació d´Escriptors en Llengua Catalana.
As sesións da XXVII Congreso Galeusca celebraranse na Biblioteca de Estudos Locais (rúa Durán Loriga, s/n.), baixo o epígrafe Literatura en galego, éuscaro e catalán: unha viaxe con futuro.
O XXVII Congreso Galeusca promoverá neste 2010 o debate ao redor da importancia das nosas literaturas en lingua propia como subministradoras de contidos para unha fértil industria cultural que a todos e todas sen excepción preocupa e interesa, pois na lingua e na literatura susténtase a identidade senlleira dun pobo, unha historia pensada e debuxada tamén polos seus escritores e escritoras, voces reveladoras dunha viaxe colectiva cara un país con futuro propio. Para falar destes aspectos e doutros puntos de vista que o tema suxira, distribúese o programa:

Venres, 29 de outubro:
Chegada das delegacións.

Sábado 30 de outubro
10:00-11:30 Mesa redonda: A literatura como fornecedora de contidos da industria cultural: a literatura e o audiovisual, coordinada por Raúl Veiga:
• Héctor Carré
• Harkaitz Cano (elaboración do relatorio) | Ander Iturriotz (relator)
• Manel Bonany
12:00-13:30 Mesa redonda: As viaxes na literatura, coordinada por Xulio L. Valcárcel:
• Anxo Angueira
• Urtzi Urrutikoetxea
• Ignasi Riera
17.00: Percorrido Rosaliano pola Coruña, por Diego Pardo Amado (con saída na Rúa do Príncipe,3 –Cidade Vella–).
18.30: Recepción na Casa do Concello da Coruña (Praza de María Pita, 1).

Domingo 31 de outubro
10:00-11:30 Asemblea da Federación Galeusca.
12:00-13:30 Mesa redonda: A literatura como fornecedora de contidos da industria cultural: a literatura como modelo de convivencia de vellos e novos soportes, coordinada por Tati Mancebo:
• Marcos S. Calveiro
• Nikolas Zimarro
• Guillem-Jordi Graells
19:00-20:00 Recitado/Lectura de textos + Música:
• Olalla Cociña e Dores Tembrás
• Nikolas Zimarro
• Miquel Bezares
• Xabier Díaz (música).

Domingo 31
Biblioteca Municipal de Estudos Locais (rúa Durán Loriga, 10)
19:00
Entrada libre até completar capacidade.

Finalizando as actividades do Galeusca 2010, terá un lugar un recitado con lectura de textos poéticos por parte de autores nas tres linguas, as galegas Olalla Cociña e Dores Tembrás, o vasco Nikolas Zimarro e o catalán Miquel Bezares, nun diálogo entre estas culturas que confluirá coa potente aportación musical de Xabier Díaz, dando así un colofón de honra a este XXVII Congreso de Galeusca celebrado na cidade este ano.

Luns 13
Fórum Metropolitano
21:00
Entradas: 5 euros (carné xove, maiores de 65 anos ou desempregados, 3 euros).

En "Coplas para Icía" (2007), Xabier Díaz (A Coruña, 1969), rescata músicas do pobo tomadas do seu propio arquivo, compilación froito do extenso traballo de campo que el mesmo leva a cabo entre os anos 1990 e 2000, tendo como compañeiros de viaxe a Pedro Lamas e Suso Iglesias, acordeonista e tamén membro da Compañía Nova Galega de Danza. Máis información aquí.

Sábado 11
Fórum Metropolitano
De 11:00 a 14:00 h.
Entrada libre até completar aforo.

Clase maxistral de pandeiro a cargo do grande artista Xabier Díaz, adicada a todas as persoas interesadas en coñecer e perfeccionar os seus coñecementos sobre este instrumento de percusión tradicional, con carácter gratuíto até completar o aforo.

Sábado 29
Planetario

*AVISO da organización: a entrada é libre e de balde para o CONCERTO DAS 22:00 diante do Palacete da Casa das Ciencias*

21:00.- RECITAL DE GUADI GALEGO, GUILLERMO FERNÁNDEZ E XABIER DÍAZ no Planetario (entrada libre até completar capacidade)
22:00.- CONCERTO DE GUADI GALEGO, GUILLERMO FERNÁNDEZ E XABIER DÍAZ, no exterior da Casa das Ciencias
23:00.- OBSERVACIÓN ASTRONÓMICA POLA AGRUPACIÓN ASTRONÓMICA ÍO

Programa completo aquí.

Hoxe venres 8 ás 19:30 na FNAC da Coruña con motivo da presentación do CD-DVD "Descarga ao Vivo - Cuba-Galiza", poderemos disfrutar dun concerto dos músicos cubanos participantes no proxecto, coa colaboración de Xabier Diaz, un dos músicos galegos que viviu máis de preto este intercambio musical atlántico. O proxecto é obra de aCentral Folque e o Instituto de Artes Superiores de Cuba. A entrada é libre.

Dentro da Mostra de Ciencia e Cinema hoxe mércores ás 20:30 terá lugar no Teatro Rosalía de Castro un recital co título POESÍA + CIENCIA no que participarán Marica Campo, Emma Couceiro, Estibaliz Espinosa, Alfredo Ferreiro, Manuel Rivas e Xavier Seoane. O acto estará presentado por Lucía Aldao e contará coa actuación musical de Guadi Galego, Guillermo Fernández e Xabier Díaz. A entrada é de balde.

A novela Pirata de María Reimóndez será presentada mañá xoves 1 de outubro na Sala Maremágnum do Aquarium Finisterrae da Coruña. No acto participarán ademais da autora o editor Manuel Bragado, a escritora Yolanda Castaño e o músico Xabier Díaz.

Onte presentouse en La Postrería o CD Tradicción, traballo de Pedro Lamas creado para o espectáculo homónimo de Nova Galega de Danza. Tradicción pecha unha triloxía da que tamén forman parte Alento e Engado, tres funcións que fusionaban a música galega e a danza desde unha perspectiva contemporánea e vangardista. O éxito de Tradicción vén avalado polo recente Premio de Ciencias e Artes da Representación 2009 outorgado pola Fundación Premios da Crítica de Galicia.

Editado por Falcatruada, o disco Tradicción rende tributo aos profesionais que difunden a música popular. Ademais de Pedro Lamas participan no disco Ricardo Rozas (guitarra), Xabier Díaz e Toño Domínguez (voz, gaita e percusión), Suso Iglesias (acordeón), Juan Collazo (vibráfono e percusión tradicional) e Miguel Queixas (batería), coa colaboración de Guillerme Fernández nas mesturas. O produto está xa á venda en tendas físicas e virtuais e pódese escoitar a través de diferentes servizos de streaming.

Mañá mércores 18 no Palacio da Ópera terá lugar un dos Concertos en familia organizados polo Consorcio para a Promoción da Música. A partir das 19 horas poderemos escoitar O paxaro de lume de Igor Stravinsky, nunha función con prezos populares: 2 € a entrada xeral, e de balde para os nenos (máximo dous convites por persoa).

Tamén mañá mércores ás 20:45 no Teatro del Andamio (Alcalde Suárez Ferrín, 10 – Plaza Elíptica – Os Rosais), Xabier Díaz ofrecerá un concerto co título Coplas para Icía. A entrada custa 6 €, e é de balde para os nenos menores de 9 anos acompañados dun adulto. O aforo está limitado a 50 prazas, e pódense facer reservas chamando ao teléfono 981129392.