O sábado 18 e domingo 19 terá lugar a "XI Foliada e Romaría do Lecer", organizada pola A. C. Xacarandaina no Auditorio do Parque de Santa Margarida.

- O sábado 18, a partir das 21:00 horas, comeza a Foliada, con moitos grupos anotados para actuar ese día, e aberta a toda a xente que queira participar.

- O domingo 19 terá lugar a Romaría do Lecer, o día da gran familia de Xacarandaina, O programa dará comezo ás 12:30 h. incluíndo, durante todo o día, a actuación das alumnas e alumnos da asociación onde amosarán o aprendido durante o curso enriba do escenario; intercalaranse actuacións de grupos de baile tradicional, pandereteiras e pandereteiros, cuartetos de gaitas, baile de salsa e merengue, acordeón, guitarra, bailes de salón... Paralelamente, están previstas diversas actividades para todo o día:
- Aula aberta de baile para adultos e cativos.
- Aula aberta de percusión para adultos e cativos.
- Xogos para pequenas e pequenos.
- Campionato de parchís por parellas. Para participar nesta actividade o público interesado debe anotarse antes.
- Campionato de tute, tamén por parellas. Para participar nesta actividade o público interesado debe anotarse antes.
- Concurso de tortillas. Para participar nesta actividade deberase traer a tortilla da casa.

A Asociación Xacarandaina celebra desde o ano 2001, no mes de xuño, esta Romaría coa que pretende recuperar o "sabor" de festa e lecer das antigas romarías galegas. Desde Xacarandaina animamos a toda a xente da cidade e arredores a participar neste día, como un día de homenaxe participativo ao folclore e cultura galegas, axudando deste xeito a que todas as coruñesas e coruñeses nos sintamos máis orgullosos das nosas tradicións, sen deixar que se extingan.

Domingo 5
Teatro Rosalía de Castro
16:00
Entradas: 5 euros.

"XXII Concurso de música tradicional Xacarandaina". Máis información na súa páxina web.

Domingo 29
Coliseum
16:00
Entradas: 6 e 8 euros.

"XXXI Concurso de baile tradicional Xacarandaina", co seguinte programa. Na súa páxina web pódense coñecer os gañadores deste XXXI Concurso.

O XXXII Concurso de baile tradicional Xacarandaina que todos os anos ven organizando a Asociación Cultural Xacarandaina terá lugar o domingo día 29 de maio. Este concurso é o certame máis veterano de toda Galicia tendo gran repercusión entre as agrupacións e escolas de música tradicional. Xacarandaina leva 32 anos organizándoo, sendo, este ano, o primeiro en realizarse no Coliseum da Coruña adaptado en formato teatro. Para a Asociación é un novo reto e un novo esforzo tanto económico como organizativo, sendo o principal obxectivo que o acto sexa do agrado de todas e todos: participantes, público e voluntariado. No concurso poden participar Asociacións folclóricas, Centros Parroquiais, Asociacións Culturais e Recreativas, Asociacións Xuvenís etc. chegados de toda Galicia: Vigo, Santiago, Padrón, Arteixo, Ribeira, Betanzos... e mesmo de fora, como os grupos do Centro galego de L´Hospitalet de Llobregat. Todos os grupos participantes deberán cumprir as bases do concurso, onde se indica que os grupos poden ser mixtos, femininos ou masculinos, e estarán formados como mínimo por oito persoas (agás cando as características do baile o precisen). O uso de traxe tradicional é obrigatorio. A categoría determinarase pola media das idades dos compoñentes do grupo e ningún deles superará a media da categoría en máis de dous anos:
- Categoría A: ata 8 anos inclusive.
- Categoría B: de 9 a 12 anos inclusive.
- Categoría C: de 13 a 16 anos inclusive.
- Categoría D: de 17 anos en adiante.
Cada grupo terá un tempo límite de 5 minutos. O grupo que exceda dito tempo, quedará descualificado. Terá que levar o seu acompañamento musical (gaiteiros, pandereteiras...) que deberá estar presente no escenario vestindo o traxe tradicional. O xurado no momento da cualificación terá en conta: autenticidade da peza, dificultade técnica e calidade na execución. En cada unha das categorías serán concedidos tres premios:
- 1º premio: trofeo e 350 euros.
- 2º premio: trofeo e 200 euros.
- 3º premio: trofeo.

O XXII Concurso de Música Tradicional Xacarandaina terá lugar o día 5 de xuño no Teatro Rosalía de Castro, en sesión de mañá e tarde. Este concurso consta con tres modalidades diferentes: pandereteiras, cuartetos de gaita e gaiteiro solista. Esta última modalidade incorpórase como novidade este ano, aínda que cando se creou o Concurso, hai xa 22 anos, era a única modalidade instrumental. A división das categorías realízase do mesmo xeito que no concurso de baile, aínda que varían segundo as modalidades: no apartado de pandereteiras cóntase con catro categorías, no de cuartetos de gaita cóntase con dúas categorías, e no apartado de gaiteiro solista existirá unha única categoría. No concurso poden participar grupos de Asociacións folclóricas, Centros Parroquiais, Asociacións Culturais e Recreativas e Asociacións Xuvenís etc. procedentes de toda Galicia. Todos os grupos participantes deberán cumprir as bases do concurso, onde se indica que é obrigatorio o uso de traxe tradicional. Concederanse tres premios por categoría, que se determinará pola media das idades dos compoñentes do grupo e ningún deles superará a media da categoría en máis de dous anos.
Cada grupo terá un tempo límite de 5 minutos, quedando descualificado o grupo que exceda dito tempo. O xurado no momento da cualificación terá en conta: autenticidade e dificultade da peza, afinación e interpretación e expresividade na interpretación.
En cada unha das categorías serán concedidos tres premios:
- 1º premio: trofeo e 250 euros.
- 2º premio: trofeo e 150 euros.
- 3º premio: trofeo.
O xurado estará composto por persoas de recoñecido prestixio do mundo do folclore, e serán alleos á Asociación Cultural Xacarandaina.

Este ano poderanse realizar as inscricións a través da páxina web de Xacarandaina, ou da mesma forma que en edicións anteriores, enviando debidamente cumprimentada a folla de inscrición adxunta por:
* Correo ordinario ao local social: A.C .Xacarandaina, rúa Historiador Vedía nº3, soto 1º, 15004 A Coruña.
* Correo electrónico:  info at xacarandaina.com
* Exclúese a vía telefónica para realizar as inscricións.
O prazo de inscrición remata o día 12 de maio para o concurso de baile, e o día 19 desde mesmo mes de maio para o de música.

A Asociación Cultural Xacarandaina organiza un interesante obradoiro a cargo do profesor Manuel Rey (Reyva) dedicado ás "tarrañolas". Trátase dun instrumento de percusión tradicional propio da música galega e doutras culturas europeas que consiste en dúas pezas independentes rectangulares cun asento para os dedos. Adoitan seren de madeira, mais tamén poden estar feitas de lousa, doutro tipo de pedras lisas e mesmo con dúas costelas de porco. Segundo as distintas zonas da nosa xeografía coñécense con distintas denominacións: tarrañolas, texoletas, castañetas, etc. Cómpre lembrar que teñen un uso moi estendido ao longo dos anos e, aínda que normalmente se asocian coa música popular, tamén teñen presenza na música culta, posto que xa aparecían nas Cantigas de Santa María de Afonso X o Sabio (s. XIII). O curso terá lugar no local da asociación (Rúa Historiador Vedía nº3-A Coruña) os xoves 18 e 25 de novembro e 2 e 9 de decembro, de 20:30 a 21:30 ou de 21:30 a 22:30. O prazo de inscrición rematou o 13 de novembro. Para obter máis información, pódese contactar coa asociación no teléfono 981277315 ou acceder á súa páxina web.

Do 1 ao 30 de xullo, de luns a venres
De 09:30 a 13:30
A. C. Xacarandaina
Prezos: socios 6 euros por día ou 100 euros todo o mes; non socios 8 euros por día ou 150 euros todo o mes.

Durante todo o mes de xullo, nas mañás de luns a venres, a A. C. Xacarandaina organiza a Ludoteca de Xaca, con cinema de animación en pantalla xigante, xogos tradicionais, obradoiros, lectura e cultura tradicional. Está destinada a nenos entre 3 e 10 anos. Máis información aquí.

Sábado 19
21:00
Parque de Santa Margarida
Entrada libre

Foliada con presenza de: Fiadeiro de Vigo, Azougue de Betanzos, Pandereteiras da Pontragha de Tordoia, Magúa da Coruña, Traspés de Vigo, Iar da Coruña, Cantigas e Agarimos de Santiago de Compostela, acompañando no escenario ao Grupo de Música Tradicional Xacarandaina.

Domingo 20
11:30
Parque de Santa Margarida
Entrada libre

Actuarán as alumnas e alumnos da asociación para amosar o aprendido durante o curso enriba do escenario; intercalaranse actuacións de grupos de baile tradicional, pandereteiras e pandereteiros, cuartetos de gaitas, baile de salsa e merengue, acordeón, guitarra e bailes de salón. Contarase tamén coa actuación do grupo de baile “Les Ayalgues d´Ayer” de Cabañaquinta (Asturias) que realizarán unha exhibición do baile tradicional de Asturias. Están programadas tamén actividades paralelas pensadas para todas as idades: aulas abertas de folclore (para todos os que o desexen), obradoiros para rapaces, contacontos, ginkana... Poderase aprender a xogar á billarda ou á chave ou observar unha demostración das palilleiras da Asociación. Para os máis pequenos cóntase con inchables e xogos populares, con varios monitores que ensinarán a xogar aos máis novos.

Máis información aquí.

Domingo 6
16:00
Teatro Rosalía Castro
Entradas: 5 €

Organiza: Asociación Cultural Xacarandaina.

Maitines de Oza interpretados por membros de Xacarandaina no concerto de Cantos de Reis celebrado o luns 22 de decembro de 2008 no Fórum Metropolitano.

Maitines de Oza (Carballo)

As noitiñas de Nadale, noites de grande alegría
Caminando vai José, caminando vai María
Abre las puertas puertero a José e a María
Como te he de abrir las puertas si la llave no tenía
Alá pola media noche la Virgen parido había
Con un niño tan hermoso, el mismo Dios parecía
Tanta era su pobreza que un pañuelo no tenía
Echó mano a su cabello a un volante que traía
Lo rompió en trés pedazos, al niño Dios envolvía
Del cielo le preguntaron, ¿que tal queda la parida?
La parida queda buena en su cama recogida
Quédense con Dios señores a mais con Dios nos vaiamos
Quédense con Dios señores, hasta el año que volvamos.